ఈ శాండ్‌విచ్‌ చాలా కాస్లీ గురూ!

మామూలుగా శాండ్‌విచ్‌ ఓ 20 రూపాయలకో.. మరీ స్పెషల్‌ అయితే 50 రూపాయలకో దొరుకుతుంది. అట్లాంటిది రూ.16 వేల ఖరీదంటే నమ్మషక్యంగా లేదు కదూ. అయినా మీరు నమ్మాల్సిందే. ఎందుకంటే ఈ శాండ్‌విచ్‌ ప్రపంచంలోనే అతి పెద్దది. ఈ శాండ్‌విచ్‌లో న్యూయార్క్‌లోని సెరెండిపిటీ -3 రెస్టారెంట్‌లో మాత్రమే దొరుకుతుంది.

July 22, 2021 / 06:03 PM IST

మామూలుగా శాండ్‌విచ్‌ ఓ 20 రూపాయలకో.. మరీ స్పెషల్‌ అయితే 50 రూపాయలకో దొరుకుతుంది. అట్లాంటిది రూ.16 వేల ఖరీదంటే నమ్మషక్యంగా లేదు కదూ. అయినా మీరు నమ్మాల్సిందే. ఎందుకంటే ఈ శాండ్‌విచ్‌ ప్రపంచంలోనే అతి పెద్దది. ఈ శాండ్‌విచ్‌లో న్యూయార్క్‌లోని సెరెండిపిటీ -3 రెస్టారెంట్‌లో మాత్రమే దొరుకుతుంది.

రికార్డు సైజులో దొరికే ఈ శాండ్‌విచ్‌ కావాలంటే 48 గంటల ముందుగా అడ్వాన్స్‌ బుకింగ్‌ ద్వారా ఆర్డర్‌ చేయాల్సిందేనని సెలవిస్తున్నారు సెరెండిపిటీ -3 రెస్టారెంట్ యాజమాన్యం. ఎందుకంటే దీని తయారీకి కావాల్సిన మసాలా దినుసులు సిద్ధం చేసుకోవడానికి కనీసం ఒక్క రోజు సమయం పడుతుందంట. దీని క్రిస్పీ, క్రీమీ టేస్ట్‌ మరెక్కడా దొరుకదని సెరెండిపిటీ-3 రెస్టారెంట్‌ బల్లగుద్ది మరీ చెప్పున్నది. సర్వ్‌ చేయడానికి నాలుగు నిమిసాల ముందు గ్రిల్లింగ్‌ చేయడం వల్లనే దీని టేస్ట్ అదిరిపోతుందని వారంటున్నారు. ఈ శాండ్‌విచ్‌ పేరు క్వింటెన్షయల్‌ గ్రిల్డ్‌ ఛీజ్‌.

ఈ శాండ్‌విచ్‌ ఎందుకంత ఖరీదంటే.. వీటి తయారీలో బంగారు పొరలను వాడతారు. ఈ బంగారు పొరలు శాండ్‌విచ్‌ను మరింత ఆకర్శణీయంగా చేస్తుంది. ఈ శాండ్‌విచ్ ఫ్రెంచ్ పుల్మాన్ షాంపైన్ రొట్టె ముక్కల నుంచి మాత్రమే తయారు చేస్తారు. దీనిలో ఉపయోగించే జున్ను ప్రత్యేక ఆవు పాలు నుంచి సేకరిస్తారు. ఈ రకం ఆవులు సంవత్సరంలో రెండు నెలలు మాత్రమే పాలిస్తుంటాయి. వీటన్నింటి కారణంగా ఈ శాండ్‌విచ్‌ ప్రత్యేక రుచిని కలిగివుంటుందని నిర్వాహకులు చెప్తున్నారు. గత ఏడేండ్లుగా అత్యంత ఖరీదైన శాండ్‌విచ్‌గా ఈ రెస్టారెంట్ పేరు నమోదవుతుండటం విశేషం.