అక్షరాల ప్రతిఘటన మన అలిశెట్టి

ఆర్థిక అసమానతలు, శ్రమ దోపిడీలాంటి తీవ్రమైన సామాజిక సమస్యల్ని కవిత్వంలో చెప్పిన కవి అలిశెట్టి ప్రభాకర్‌ అని బీఆర్‌ఎస్‌ యూఎస్ఎ చైర్మన్ మహేష్‌ తన్నీరు పేర్కొన్నారు.ప్రముఖ కవి అలిశెట్టి ప్రభాకర్‌ జయంతి సందర్భంగా ఆయన రాసిన కవిత్వాలను ఈ సందర్భంగా గుర్తుచేశారు.

• అలిశెట్టి ప్రభాకర్‌ జయంతి సందర్భంగా బీఆర్‌ఎస్‌ యూఎస్ఎ చైర్మన్ మహేష్‌ తన్నీరు

హైదరాబాద్‌, జనవరి 12 (నమస్తేతెలంగాణ) : ఆర్థిక అసమానతలు, శ్రమ దోపిడీలాంటి తీవ్రమైన సామాజిక సమస్యల్ని కవిత్వంలో చెప్పిన కవి అలిశెట్టి ప్రభాకర్‌ అని బీఆర్‌ఎస్‌ యూఎస్ఎ చైర్మన్ మహేష్‌ తన్నీరు పేర్కొన్నారు.ప్రముఖ కవి అలిశెట్టి ప్రభాకర్‌ జయంతి సందర్భంగా ఆయన రాసిన కవిత్వాలను ఈ సందర్భంగా గుర్తుచేశారు. ప్రభాకర్‌ ఆలోచనలెప్పుడూ శ్రమజీవులు, నిరుద్యోగ యువత,అసహాయ మహిళల చుట్టే అతని ఆలోచనలు ఉండేవని, ఆయన కవిత్వంలో వీరి గురించే వేదన ఎక్కువగా కనిపించేదని వెల్లడించారు.తన రాతల ద్వారా నిర్భాగ్యుల జీవితాలకు కొంతైనా మేలు జరగాలని జీవితాంతం ఆశించేవారని పేర్కొన్నారు.

స్వయంగా చిత్రకారుడైన ప్రభాకర్‌ 1980లో తన కవితలకు తానే బొమ్మలు వేసి వాటిని ప్రదర్శనయోగ్యంగా మలిచారు. పదం ఆవిరికాదు..సత్యమే దాని బలం, అక్షరంగా అమరుడయిన అలిశెట్టి కవితల్లో స్పష్టమయ్యేది. పేదమనిషి బాధ ఆయన కవితలో వేదనగా కాదు, ప్రతిఘటనగా నిలిచిందన్నారు.పుట్టుక పేదరికంలోనూనా, చూపు విశాలమైందని,లోకాన్ని కడిగిన అలిశెట్టి అక్షర కదనం.చూసింది నిజం, రాసింది సత్యం,అందుకే ఆ కవిత కాలాన్ని దాటింది వంటి ఎన్నో ఆలోచనపూర్వకమైన కవితలు అలిశెట్టి కలం నుంచి జాలువారాయని మహేష్‌తన్నీరు పేర్కొన్నారు.1954 జనవరి 12న జన్మించిన ఆయన 1993 జనవరి 12 అమరుడైనారు.

అక్షరాల ప్రతిఘటన మన అలిశెట్టి

పదం ఆవిరి కాదు,
సత్యమే దాని బలం,
అక్షరంగా అమరుడయిన
అలిశెట్టి

సమాజమే రంగస్థలం,
పదాలే ఆయుధాలై,
అన్యాయంపై విదిల్చిన
కత్తి

అసమానతల ఎదురుగా
నిశ్శబ్దాన్ని చీల్చుతూ
ప్రశ్నగా మారిన
అక్షరం

పేద మనిషి బాధ
ఆయన కవితలో
వేదనగా కాదు,
ప్రతిఘటనగా నిలిచింది

చూసింది నిజం,
రాసింది సత్యం,
అందుకే ఆ కవిత
కాలాన్ని దాటింది

ఎర్ర పావురాల పిలుపు
మానవతా స్వరమై,
హృదయాలను కదిలించిన
కవిత్వం

నిర్బంధం ఎదుట
తల వంచని ధైర్యం,
భయానికి వీడ్కోలు చెప్పిన
సంకల్పం

శరీరం ఆగినా,
పదం ఆగలేదు,
అక్షరాల్లో కొనసాగుతున్న
జీవితం

నిశ్శబ్దం పెరిగినప్పుడు,
పదమై ముందుకు వచ్చింది,
మాటగా కాదు
ప్రశ్నగా

పుట్టుక పేదరికంలోనైనా ,
చూపు విశాలమైంది,
లోకాన్ని కడిగిన
అలిశెట్టి అక్షర కదనం

పేద మనిషి బాధ
ఆయన కవితలో
వేదనగా కాదు,
ప్రతిఘటనగా నిలిచింది..