Kotagiri | గ్రామాల అభివృద్ధికి తన వంతు సహాయ సహకారాలు అందిస్తా.. ఎంపీడీవో విష్ణు

గ్రామాల అభివృద్ధికి తన వంతు సహాయ సహకారాలు అందిస్తానని కోటగిరి ఎంపీడీవో విష్ణు పేర్కొన్నారు. నిజామాబాద్ జిల్లా కోటగిరి మండలంలో ఇటీవల నూతనంగా ఎన్నికైన గ్రామ సర్పంచులకు ఎంపీడీవో కార్యాలయంలో గురువారం సన్మాన కార్యక్రమాన్ని నిర్వహించారు.

Kotagiri | కోటగిరి, జనవరి 8 : గ్రామాల అభివృద్ధికి తన వంతు సహాయ సహకారాలు అందిస్తానని కోటగిరి ఎంపీడీవో విష్ణు పేర్కొన్నారు. నిజామాబాద్ జిల్లా కోటగిరి మండలంలో ఇటీవల నూతనంగా ఎన్నికైన గ్రామ సర్పంచులకు ఎంపీడీవో కార్యాలయంలో గురువారం సన్మాన కార్యక్రమాన్ని నిర్వహించారు. ఈ సందర్భంగా కొత్త సర్పంచులకు శాలువా కప్పి పూలమాలలతో ఘనంగా సత్కరించారు.

ఈ సందర్భంగా ఎంపీడీవో విష్ణు మాట్లాడుతూ ప్రభుత్వం ప్రవేశపెడుతున్న సంక్షేమ పథకాలను ప్రజలకు అందేలా సర్పంచులు కృషి చేయాలన్నారు. గ్రామాల్లో నెలకొన్న సమస్యలను ఎప్పటికప్పుడు పరిష్కరించాలని తెలిపారు. ప్రభుత్వ సంక్షేమ పథకాలు ఆరులైన పేదలకు అందేలా సర్పంచులు కృషి చేయాలని తెలిపారు. ఈ కార్యక్రమంలో సర్పంచులు, సూపరింటెండెంట్‌ శ్రీనివాస్ రెడ్డి, ఎంపీవో ముజఫర్ బేగ్, ఆయా గ్రామాల పంచాయతీ కార్యదర్శులు ఉన్నారు.