Marigemma Temple | కోటగిరి లో మరిగెమ్మ ఆలయం తృతీయ వార్షికోత్సవ వేడుకలు

నిజామాబాద్ జిల్లా కోటగిరి మండల కేంద్రంలో మరిగెమ్మ ఆలయ తృతీయ వార్షిక వేడుకలను ఆలయ కమిటీ నిర్వాహకులు సోమవారం ఘనంగా నిర్వహించింది. ఆలయంలో ఉదయం నుంచి భక్తులు ప్రత్యేక పూజలు నిర్వహించారు.

Marigemma Temple | కోటగిరి, ఆగస్టు 25 : నిజామాబాద్ జిల్లా కోటగిరి మండల కేంద్రంలో మరిగెమ్మ ఆలయ తృతీయ వార్షిక వేడుకలను ఆలయ కమిటీ నిర్వాహకులు సోమవారం ఘనంగా నిర్వహించింది. ఆలయంలో ఉదయం నుంచి భక్తులు ప్రత్యేక పూజలు నిర్వహించారు. ఈ కార్యక్రమంలో భాగంగా స్థానికులు, మండల నాయకులు ఆలయ వార్షికోత్సవ వేడుకల్లో పాల్గొన్నారు.

కమిటీ సభ్యులు ప్రత్యేక పూజలు నిర్వహించి వర్షాలు సమృద్ధిగా కురవాలని, పంటలు బాగా పండాలని మొక్కులు తీర్చుకున్నారు. ఈ సందర్భంగా ఆలయ కమిటీ ఆధ్వర్యంలో భక్తుల కోసం అన్నదాన కార్యక్రమాన్ని నిర్వహించారు. ఈ కార్యక్రమంలో మోరే కిషన్, తెల్ల రవికుమార్, కప్ప సంతోష్, చిన్న అరవింద్, రాజు, భూమయ్య, అంబాటి గంగా ప్రసాద్ గౌడ్, ఆలయ కమిటీ సభ్యులు కన్నం దావులయ్య, కన్నం సాయిలు, శ్రీకాంత్ , దినేష్,శ్రీనివాస్ తదితరులు పాల్గొన్నారు.