మేమంతా స్పీకర్‌ పోచారం వెంటే..

తామంతా స్పీకర్‌ పోచారం శ్రీనివాసరెడ్డి వెంటే నడుస్తామని.. రాను న్న ఎన్నికల్లో బీఆర్‌ఎస్‌ను భారీ మెజారిటీతో గెలిపించుకుంటామని కామారెడ్డి జిల్లా బీర్కూర్‌ మం డలంలోని భైరాపూర్‌ గ్రామానికి చెందిన 300 దళిత కుటుంబాల సభ్యులు ఏకగ్రీవ తీర్మానం చేశారు.

• 300 దళిత కుటుంబాల మద్దతు
• ఏకగ్రీవ తీర్మాన కాపీ స్పీకర్‌కు అందజేత

బాన్సువాడ, అక్టోబర్‌ 17 : తామంతా స్పీకర్‌ పోచారం శ్రీనివాసరెడ్డి వెంటే నడుస్తామని.. రాను న్న ఎన్నికల్లో బీఆర్‌ఎస్‌ను భారీ మెజారిటీతో గెలిపించుకుంటామని కామారెడ్డి జిల్లా బీర్కూర్‌ మం డలంలోని భైరాపూర్‌ గ్రామానికి చెందిన 300 దళిత కుటుంబాల సభ్యులు ఏకగ్రీవ తీర్మానం చేశారు. ఈ మేరకు మంగళవారం బాన్సువాడ పట్టణంలో స్పీకర్‌ను కలిసి ఏకగ్రీవ తీర్మాన కాపీని అందజేశారు. ఈ సందర్భంగా వారు మాట్లాడు తూ ఇంత పెద్ద ఎత్తున అభివృద్ది, సంక్షేమ కార్యక్రమాలు అందిస్తున్న పోచారం, బీఆర్‌ఎస్‌ పార్టీని గెలుపించుకుంటేనే భవిష్యత్తు ఉంటుందన్నారు. తనకు మద్దతు తెలిపిన భైరాపూర్‌ దళిత కుటుంబాలకు స్పీకర్‌ పోచారం ధన్యవాదాలు తెలిపారు. ఈ కార్యక్రమంలో మాజీ జడ్పీటీసీ సభ్యుడు ద్రోణవల్లి సతీశ్‌, శంకర్‌ తదితరులు ఉన్నారు.

స్పీకర్‌ పోచారం శ్రీనివాసరెడ్డి మంగళవారం మోస్రా రామాలయ దర్శనానికి వెళ్లారు.
అక్కడే ఉన్న ఓ తల్లి తన కవల పిల్లలతో సభాపతి వద్దకు వచ్చింది. స్పీకర్‌ పిల్లలను ఎత్తుకొని ఆడించారు. కేసీఆర్‌ కిట్టు అందిందా వంటి వివరాలు అడిగి తెలుసుకున్నారు. గర్భం దాల్చిన నాటి నుంచి బిడ్డ పుట్టే వరకు కంటికి రెప్పలా ప్రభుత్వం కాపాడుతున్నదన్నారు.

– మోస్రా (చందూర్‌), అక్టోబర్‌ 17