పాత్రికేయుల సంక్షేమానికి ప్రభుత్వం కట్టుబడి ఉంది.. పీసీపీ చీఫ్ మహేష్ కుమార్ గౌడ్, ప్రభుత్వ సలహాదారు షబ్బీర్ అలీ

​నిజామాబాద్ జర్నలిస్టుల చిరకాల కోరిక అయిన ఇళ్ల స్థలాల సమస్యను ప్రభుత్వం దృష్టికి తీసుకెళ్లి, త్వరితగతిన పరిష్కరించేందుకు కృషి చేస్తానని పీసీసీ చీఫ్ మహేష్ కుమార్ గౌడ్ హామీ ఇచ్చారు.

కంటేశ్వర్, మార్చి 9 : ​నిజామాబాద్ జర్నలిస్టుల చిరకాల కోరిక అయిన ఇళ్ల స్థలాల సమస్యను ప్రభుత్వం దృష్టికి తీసుకెళ్లి, త్వరితగతిన పరిష్కరించేందుకు కృషి చేస్తానని పీసీసీ చీఫ్ మహేష్ కుమార్ గౌడ్ హామీ ఇచ్చారు. ​విధి నిర్వహణలో జర్నలిస్టులు ఎదుర్కొంటున్న ఇబ్బందులను తాము గుర్తిస్తున్నామని, వారి ఆరోగ్య భద్రత (హెల్త్ కార్డ్స్) విషయంలో ప్రత్యేక శ్రద్ధ తీసుకుంటామని తెలిపారు. ప్రెస్ క్లబ్ నూతన కార్యవర్గ ప్రమాణ స్వీకార కార్యక్రమానికి ప్రభుత్వ సలహాదారు షబ్బీర్ అలీతో కలిసి పాల్గొన్నారు.

ఈ సందర్భంగా ఆయన మాట్లాడారు.​ వార్తల సేకరణలో వాస్తవాలకు ప్రాధాన్యతనిస్తూ, పేదల గొంతుకగా నిలవాలని, టీఆర్పీ రేటింగ్ గురించి , ఆలోచించకుండా వాస్తవాలు మాత్రమే వెలుగులోకి తీసుకు రావాలని సూచించారు. ప్రభుత్వానికి, ప్రజలకు వారధిగా మీడియా నిలవాలని అన్నారు. జర్నలిస్టుల సంక్షేమం కోసం ఎమ్మెల్సీగా తన మద్దతు కొనసాగుతుందని స్పష్టం చేశారు. ​నిజామాబాద్ జర్నలిస్టులకు ఇళ్ల స్థలాలు పంపిణీకి ప్రభుత్వంతో మాట్లాడి త్వరలోనే నిర్ణయం తీసుకుంటామని ప్రభుత్వ సలహాదారు షబ్బీర్ అలీ అన్నారు.

ఈ కార్యక్రమంలో నిజామాబాద్ రూరల్ ఎమ్మెల్యే భూపతిరెడ్డి, నిజామాబాద్ అర్బన్ ఎమ్మెల్యే ధనపాల్ సూర్యనారాయణ గుప్తా, మీరు ఉమారాణి, ఉర్దూ అకాడమీ చైర్మన్ తాహర్బిన్ హుందాన్, డీసీసీ అధ్యక్షుడు నగేష్ రెడ్డి, నూతన ప్రెస్ క్లబ్ కార్యవర్గం, సీనియర్ పాత్రికేయులు పాల్గొన్నారు.