Visit:
Mee Seva Operator Association | కంటేశ్వర్, నవంబర్ 30 : నిజామాబాద్ జిల్లా మీ సేవా ఆపరేటర్స్ అసోసియేషన్ అధ్యక్షుడిగా సితారే క్షవీణ్ ( రాజు) ఎన్నికయ్యారు. నిజామాబాద్ జిల్లా కేంద్రంలోని న్యూ అంబేద్కర్ భవన్ లో నిజామాబాద్ జిల్లా మీ సేవా ఆపరేటర్ అసోసియేషన్ జిల్లా ఎన్నికలు ఆదివారం నిర్వహించారు. రాష్ట్రంలోనే మొట్టమొదటిసారిగా మీసేవా అపరేటర్స్ అసోసియేషన్ ఆపరేటర్ ఎన్నికలు నిజామాబాద్ లో నిర్వహించడం జరిగిందని ఎన్నికల అధికారులు ప్రముఖ న్యాయవాది శ్యామ్ కుమార్, రిటైర్డ్ ప్రభుత్వ ప్రిన్సిపల్ కాలేవార్ రవి తెలిపారు.
ఈ నెల 26న ఎన్నికల నోటిఫికేషన్ విడుధల చేసి నామినేషన్లను స్వీకరించినట్లు తెలిపారు. నామినేషన్ ల ఉపసంహరణ అనంతరం బరిలో నిలిచిన అభ్యర్థుల కోసం 30న ఎన్నికలు నిర్వహించినట్లు తెలిపారు. జిల్లా వ్యాప్తంగా 240 కి పైగా మీసేవా నిర్వాహకుల్లో 151 మంది ఎన్నికల్లో ఓటు హక్కును వినియోగించుకున్నారని ఎలక్షన్ కమిటీ నిర్వాహకులు తెలిపారు. ఇందులో 151 ఓట్లలో సితారే క్షవీన్ (రాజు )కు 129 ఓట్లు దక్కించుకోగా అతడి ప్రత్యర్థి గోపి కి 21 ఓట్లు రాగా, ఓక ఓటు చెల్లలేదని తెలిపారు.
జిల్లా మీసేవా ఆపరేటర్ అసోసియేషన్ అధ్యక్షుడిగా సితారే క్షవిణ్ ( రాజు) ఎన్నికైనట్లు ఎన్నికల కమిటీ నిర్వాహకులు మహమ్మద్ అస్లాం, మహమ్మద్ షాహిద్, కుందేన్ ప్రభుదాస్, టీ శివప్రసాద్ పేర్కొన్నారు. మీ సేవా యూనియన్ ఆపరేటర్ అసోసియేషన్ జిల్లా ఎన్నికలలో ఓటు హక్కును వినియోగించుకోవడానికి జిల్లా వ్యాప్తంగా పలు మండలాల నుండి మీసేవా నిర్వాహకులు పెద్ద ఎత్తున హాజరైనట్లు వారు తెలిపారు. అనంతరం గెలుపొందిన క్షవీణ్ (రాజు)ను గజమాలతో సత్కరించి బాణాసంచా పేల్చి మీసేవా కమిటీ నిర్వాహకులు శుభాకాంక్షలు తెలియజేశారు.
