Visit:
బాలానగర్, సెఫ్టెంబర్ 24: ఆర్టీసీ బస్సు ఢీకొని బాలిక దుర్మరణం చెందిన ఘటన బాలానగర్ పోలీస్ స్టేషన్ పరిధిలో జరిగింది. సీఐ ప్రశాంత్ తెలిపిన వివరాల ప్రకారం..బాలానగర్ నర్సాపూర్ చౌరస్తా నుంచి పెన్నం శెట్టి నవ్యశ్రీ (13) యాక్టివాపై సికింద్రాబాద్ వైపునకు వెళ్తుంది. ఎస్ఎంఆర్ వినయ్ క్యాపిటల్ భవనం ఎదురుగా గల సాయిరాజ్ కమర్షియల్ కిచెన్ ఎక్విప్మెంట్ సమీపానికి చేరుకుంటుండగా వెనుక నుంచి వచ్చిన కుషాయిగూడ డిపోకు చెందిన ఆర్టీసీ బస్సు యాక్టివాను ఢీకొట్టింది.
బస్సు టైర్ నవ్యశ్రీ పై నుంచి వెళ్లడంతో తీవ్ర గాయాలయ్యాయి. వెంటనే దవాఖానకు తరలించగా వైద్యులు పరిశీలించి అప్పటికే మృతి చెందినట్లు ధ్రువీకరించారు. పోలీసులు కేసు నమోదు చేసుకొని దర్యాప్తు చేస్తున్నారు.
