CP Sai Chaitanya | బక్రీద్ సందర్భంగా ఈద్గా వద్ద బందోబస్తు.. సీపీ సాయి చైతన్య

బక్రీద్ పండుగ సందర్భంగా ఈద్గాల వద్ద బందోబస్తు ఏర్పాట్లను పోలీస్ కమిషనర్ పీ సాయి చైతన్య పర్యవేక్షించారు. నిజామాబాద్ కమిషనరేట్ పరిధిలోని నిజామాబాద్, ఆర్మూర్, బోధన్ డివిజన్ పరిధిలోని ఈద్గాలు, మసీదు ల వద్ద ప్రత్యేక పికెట్లతో పాటు పటిష్టమైన బందోబస్తు ఏర్పాట్లు చేశారు.

• అవాంఛనీయ సంఘటనలు జరగకుండా పటిష్ట బందోబస్తు
• ట్రాఫిక్ సమస్యలు లేకుండా చర్యలు చేపట్టాలి
• ప్రార్థన మందిరాల వద్ద ప్రత్యేక పికెటింగ్
• సిబ్బందికి పోలీస్ కమిషనర్ ఆదేశాలు

CP Sai Chaitanya | వినాయక నగర్, జూన్ 7 : బక్రీద్ పండుగ సందర్భంగా ఈద్గాల వద్ద బందోబస్తు ఏర్పాట్లను పోలీస్ కమిషనర్ పీ సాయి చైతన్య పర్యవేక్షించారు. నిజామాబాద్ కమిషనరేట్ పరిధిలోని నిజామాబాద్, ఆర్మూర్, బోధన్ డివిజన్ పరిధిలోని ఈద్గాలు, మసీదు ల వద్ద ప్రత్యేక పికెట్లతో పాటు పటిష్టమైన బందోబస్తు ఏర్పాట్లు చేశారు. ప్రధానంగా నిజామాబాదు లోని శాంతి నగర్ ఈద్గా, బోధన్ పట్టణంలోని నర్సి రోడ్డు ఈద్గాలను పోలీస్ కమిషనర్ స్వయంగా పర్యవేక్షించారు.

ఈ సందర్భంగా ఆయన మాట్లాడుతూ ఎక్కడ ఎలాంటి అవాంఛనీయ సంఘటనలు జరగకుండా నిఘా వ్యవస్థను ఏర్పాటు చేయాలని సూచించారు. ప్రజలకు ఎలాంటి ఇబ్బందులు కలగకుండా ట్రాఫిక్ సమస్యలు రాకుండా అవసరమైన చోట ట్రాఫిక్ మళ్లింపు చర్యలు చేపట్టాలని సంబంధిత పోలీసు అధికారులను ఆదేశించారు. ఈ సందర్భంగా సీపీతో పాటు నిజామాబాద్ ఏసీపీ రాజా వెంకట్ రెడ్డి, బోధన్ ఏసీపీ పీ శ్రీనివాస్, CCRB ఏసీపీ రవీందర్, సీఐలు, ఎస్సైలు ఉన్నారు.