రేపటి నుంచి ప్రైవేటు కళాశాలల బంద్‌
ప్రభుత్వం కాలేజీ విద్యార్థుల ఫీజు రీయింబర్స్‌మెంట్‌ విడుదల చేయకపోవడంతో ప్రైవేటు కళాశాలల రాష్ట్ర అసోసియేషన్‌ తీసుకున్న నిర్ణయం మేరకు సోమవారం నుంచి అన్ని కాలేజీలు బంద్‌ చేయనున్నట్లు తెలంగాణ యూనివర్సిటీ ప్రైవేట్‌ కాలేజీల యాజమాన్య అసోసియేషన్‌ బాధ్యులు తెలిపారు.
- టీయూ రిజిస్ట్రార్‌కు ప్రైవేటు కాలేజీల యాజమాన్య అసోసియేషన్‌ మెమోరాండం
డిచ్‌పల్లి, నవంబర్‌1: ప్రభుత్వం కాలేజీ విద్యార్థుల ఫీజు రీయింబర్స్‌మెంట్‌ విడుదల చేయకపోవడంతో ప్రైవేటు కళాశాలల రాష్ట్ర అసోసియేషన్‌ తీసుకున్న నిర్ణయం మేరకు సోమవారం నుంచి అన్ని కాలేజీలు బంద్‌ చేయనున్నట్లు తెలంగాణ యూనివర్సిటీ ప్రైవేట్‌ కాలేజీల యాజమాన్య అసోసియేషన్‌ బాధ్యులు తెలిపారు. ఈ మేరకు టీయూ రిజిస్ట్రార్‌ యాదగిరి, ఆడిట్‌ సెల్‌ డైరెక్టర్‌ చంద్రశేఖర్‌ను శనివారం కలిసి బంద్‌కు సంబంధించిన మెమోరాండాన్ని అందజేశారు. ఫీజు రీయింబర్స్‌మెంట్‌ విడుదల చేసే వరకూ కాలేజీలు బంద్‌ ఉంచుతామని అసోసియేషన్‌ అధ్యక్షులు జైపాల్‌రెడ్డి, నరాల సుధాకర్‌ అన్నారు.
ఎస్‌ఎఫ్‌ఐ నాయకుల భిక్షాటన..
కామారెడ్డి, నవంబర్‌ 1: పెండింగ్‌లో ఉన్న ఫీజు రీయింబర్స్‌మెంట్‌ విడుదల చేయాలని కోరుతూ ఎస్‌ఎఫ్‌ఐ నాయకులు శనివారం కామారెడ్డిలో భిక్షాటన చేస్తూ నిరసన తెలిపా రు. ఈ సందర్భంగా ఎస్‌ఎఫ్‌ఐ జిల్లా కార్యదర్శి ముదాం అరుణ్‌ మాట్లాడుతూ.. ఫీజు రీయింబర్స్‌మెంట్‌ విడుదల చేయని పక్షంలో సీఎం, మంత్రుల ఇండ్లను ముట్టడిస్తామని హెచ్చరించారు.
Read Today's Latest Nizamabad News in Telugu and Telugu News
- Follow Us :
-
