పెద్దవాగులో ఇసుకాసురుల తిష్ట!
ఇసుక అక్రమ రవాణాకు అడ్డూఅదుపులేకుండా పోయింది. ఇసుక అక్రమ రవాణాపై కఠినంగా వ్యవహరించాలని సీపీ హెచ్చరించినా ఫలితంలేకుండా పోతున్నది. ఏర్గట్ల మండలం బట్టాపూర్ గ్రామ శివారులోని పెద్దవాగులో ఇసుక అక్రమ తవ్వకాలు కొనసాగుతూనే ఉన్నాయి.
- పొక్లెయిన్తో యథేచ్ఛగా తవ్వకాలు
- బట్టాపూర్ పెద్దవాగు నుంచి ఆగని అక్రమ రవాణా
- సీపీ హెచ్చరికలు బేఖాతరు
- ఇసుక ట్రాక్టర్లు ఆపితే అధికారపార్టీ నేతల ఫోన్లు
ఏర్గట్ల/ మోర్తాడ్, ఫిబ్రవరి 21: ఇసుక అక్రమ రవాణాకు అడ్డూఅదుపులేకుండా పోయింది. ఇసుక అక్రమ రవాణాపై కఠినంగా వ్యవహరించాలని సీపీ హెచ్చరించినా ఫలితంలేకుండా పోతున్నది. ఏర్గట్ల మండలం బట్టాపూర్ గ్రామ శివారులోని పెద్దవాగులో ఇసుక అక్రమ తవ్వకాలు కొనసాగుతూనే ఉన్నాయి. ఇప్పటికే గ్రామ కమిటీకి ట్రాక్టర్కు రూ.50వేల చొప్పున 34 ట్రాక్టర్లకు రూ.17లక్షలు చెల్లించిన ఇసుకాసురులు..మేమెవరి మాట వినం అన్నట్లుగా ఇసుక తవ్వకాలు చేపడుతున్నారు. కూలీలతో కాకుండా పొక్లెయిన్తో కూడా ఇసుక తవ్వకాలు కొనసాగుతున్నా అధికారులు పట్టించుకోకపోవడం అనుమానాలకు తావిస్తున్నది. శుక్రవారం ఉదయం 6గంటల నుంచే పెద్దవాగులో ఇసుక తవ్వకాలు చేపట్టడం గమనార్హం.
కండ్లు మూసుకున్న అధికారులు
తెల్లవారుజామునుంచి సాయంత్రం వరకు ఇసుక తవ్వకాలు కొనసాగుతున్నా అధికారులు ఉదాసీనంగా వ్యవహరిస్తున్నారు. ట్రిప్పు కు రూ.200 ఎవరి కోసం వసూలు చేస్తున్నారని, అధికారులకు మామూళ్లు చెల్లించేందుకేనా అని స్థానికులు ప్రశ్నిస్తున్నారు. కమ్మర్పల్లిలో వేబిల్లులు లేకుండా వచ్చిన ఇసుక ట్రాక్టర్లను రెవెన్యూ అధికారులు నిలిపివేయగా, వెంటనే అధికార పార్టీకి చెందిన నాయకులు ఫోన్లు చేయడంతో వదిలేసినట్లు సమాచారం.
Read Today's Latest Nizamabad News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

