చందుపట్ల శాసనాన్ని వేయించిన వారు?

గ్రూప్స్‌ ప్రత్యేకం తెలంగాణ చరిత్ర తెలంగాణ ఉద్యమ చరిత్ర-సంసృ్కతి

గ్రూప్స్‌ ప్రత్యేకం తెలంగాణ చరిత్ర

తెలంగాణ ఉద్యమ చరిత్ర-సంసృ్కతి

36. కింది పేర్లతో వారు అమరులైన చోటును జతపరచండి.

ఎ. యాదిరెడ్డి 1. శాస్త్రిభవన్‌, న్యూఢిల్లీ
బి. శ్రీకాంత చారి 2. అంబేద్కర్‌ విగ్రహం, ఎల్బీ నగర్‌
సి. యాదయ్య 3. ఓయూ క్యాంపస్‌
డి. ఇషాన్‌ రెడ్డి 4. ఎన్‌సీసీ గేట్‌
1) ఎ-1, బి-2, సి-4, డి-3 2) ఎ-3, బి-4, సి-2, డి-1
3) ఎ-4, బి-1, సి-2, డి-3 4) ఎ-1, బి-3, సి-4, డి-2

37. కింది వ్యాఖ్యానాల్లో సరికానిది గుర్తించండి.

1. ఆర్టికల్‌ 3 ప్రకారం పార్లమెంట్‌కు కొత్త రాష్ర్టాలను ఏర్పాటు చేయడానికి అధికారం ఉంటుంది
2. గ్రూప్‌ ఆఫ్‌ మినిస్టర్స్‌కు వి. నారాయణ స్వామి ప్రత్యేక ఆహ్వానితుడు
3. ప్రత్యేక తెలంగాణను ఏర్పరచాలని కాంగ్రెస్‌ కార్యనిర్వాహక వర్గం 2013, జూలై 20న ఒక తీర్మాణం చేసింది
4. కాంగ్రెస్‌ ఎమ్మెల్యేలు, ఎంపీలకు కాంగ్రెస్‌ కార్యనిర్వాహక వర్గం తెలంగాణ విషయంలో ఎందుకు నిర్ణయం తీసుకుందో వివరించడానికి కాంగ్రెస్‌ నాయకత్వం ఏకే ఆంటోనీ అధ్యక్షతన ఒక కమిటీని 2013, జూలై 30న నియమించింది.

38. జతపరచండి.

ఎ. నవ తెలంగాణ పార్టీ 1. ఇంద్రారెడ్డి
బి. తెలంగాణ సాధన సమితి 2. నాగం జనార్దన్‌ రెడ్డి
సి. జై తెలంగాణ పార్టీ 3. టీ దేవేందర్‌ రెడ్డి
డి. తెలంగాణ నగర సమితి 4. ఆలె నరేంద్ర
1) ఎ-2, బి-1, సి-4, డి-3 2) ఎ-4, బి-2, సి-3, డి-1
3) ఎ-1, బి-3, సి-4, డి-2 4) ఎ-3, బి-4, సి-1, డి-2

39. జతపరచండి.

ఎ. బైండ్ల 1. జమిడిక
బి. బుడబుక్కల 2. ఢమరుకం
సి. పద్మశాలి 3. సాధనా శూరులు
డి. కోయలు 4. రేలా నృత్యం
1) ఎ-2, బి-4, సి-3, డి-1 2) ఎ-1, బి-2, సి-3, డి-4
3) ఎ-4, బి-1, సి-2, డి-3 4) ఎ-1, బి-4, సి-2, డి-3

40. కింది వ్యాఖ్యలను పరిశీలించి సరైన సమాధానాన్ని గుర్తించండి.

ఎ. శాతవాహనుల కాలంలో వ్యవసాయం ఆదాయానికి ప్రధాన ఆధారం
బి. వ్యవసాయ ఉత్పత్తిలో సగం భూమిశిస్తుగా వసూలు చేశారు
సి. తొలి శాతవాహనులు వైదిక మతాన్ని అనుసరించారు
డి. మలి శాతవాహనులు బౌద్ధ మతాన్ని పోషించారు
1) బి, సి 2) ఎ, సి, డి
3) ఎ, బి, సి, డి 4) ఎ, బి

41. ప్రతిపాదన (ఎ) – శాతవాహన సమాజం పితృస్వామ్య స్వభావం కలిగిందికారణం (ఆర్‌) – కొంతమంది మలిశాతవాహన రాజులు తమ పేరుకు ముందు తల్లిపేరును ఉపయోగించారు.

1. (ఎ), (ఆర్‌) రెండూ నిజం, కానీ (ఆర్‌), (ఎ)కు సరైన వివరణ కాదు
2. (ఎ) నిజం, (ఆర్‌) తప్పు
3. (ఎ) తప్పు, (ఆర్‌) నిజం
4. (ఎ), (ఆర్‌) రెండూ నిజం,
(ఆర్‌), (ఎ)కు సరైన వివరణ

42. జతపరచండి.

(ఎ) నానాఘాట్‌ శాసనం 1. మూడో పులోమావి
(బి) నాసిక్‌ శాసనం 2. ఖారవేలుడు
(సి) హాతిగుంఫా శాసనం 3. నాగానిక
(డి) మ్యాకదోని శాసనం 4. గౌతమి బాలశ్రీ
1) ఎ-4, బి-3, సి-2, డి-1 2) ఎ-2, బి-1, సి-3, డి-4
3) ఎ-1, బి-2, సి-3, డి-4 4) ఎ-3, బి-4, సి-2, డి-1

43. కాకతీయులకు సంబంధించి కింది వాక్యాలను పరిశీలించి సరైన సమాధానాన్ని గుర్తించండి.

ఎ. కాకతీయుల కాలంలో వ్యవసాయం ప్రధానవృత్తి
బి. అడవులను నరికి నూతన ప్రాంతాలను సాగులోకి తీసుకువచ్చారు
సి. భూమిశిస్తును ధన, ధాన్య రూపేణ వసూలు చేయడం జరిగింది
డి. నీటిపారుదలకు ప్రాముఖ్యత ఇవ్వలేదు
1) ఎ, బి 2) ఎ, బి, సి
3) ఎ, బి, సి, డి 4) ఎ

44. సరైన జతను గుర్తించండి.

1. వేయిస్తంభాల గుడి – గణపతి దేవుడు
2. పద్మాక్షి ఆలయం – రుద్రేశ్వరుడు
3. చిత్రశాల – మాచల దేవి
4. రామప్ప దేవాలయం – రుద్రాంబ

45. కింది వాటిని జతపరచండి.

ఎ. మోటుపల్లి శాసనం 1. కేతన
బి. చందుపట్ల శాసనం 2. రుద్రమదేవుడు
సి. నీతిసారం 3. గణపతిదేవుడు
డి. ఆంధ్రభాషా భూషణం 4. పువ్వుల ముమ్మడి
సరైన సమాధానాన్ని గుర్తించండి.
1) ఎ-3, బి-4, సి-2, డి-1 2) ఎ-4, బి-3, సి-2, డి-1
3) ఎ-2, బి-1, సి-3, డి-4 4) ఎ-1, బి-2, సి-3, డి-4

46. కుతుబ్‌షాహీలకు సంబంధించి కింది వాక్యాలను పరిశీలించి సరైన సమాధానాన్ని గుర్తించండి.

ఎ. టావెర్నియర్‌ ప్రకారం హైదరాబాద్‌ నగరంలో 20000 మంది వేశ్యలు ఉండేవారు
బి. భూమిశిస్తు వసూలును వేలం వేసేవారు
సి. లండన్‌లోని ఒక వంతెనకు పురానాపూల్‌ ఒక నమూనా
డి. అబుల్‌హసన్‌ తానీషా భద్రాచలంలోని రాముని దేవాలయానికి మూడు గ్రామాలను దానం చేశారు

1) బి, సి 2) ఎ, బి, సి
3) ఎ, బి, డి 4) ఎ, బి

47. జతపరచండి.

ఎ. కొల్లూరు గనులు 1. మొవ్వ
బి. హైదరాబాద్‌ నగరం 2. కోహినూర్‌
సి. కంచర్ల గోపన్న 3. మీర్‌మెహీన్‌ అస్త్రబాది
డి. క్షేత్రయ్య 4. దాశరథి శతకం
1) ఎ-1, బి-2, సి-3, డి-4 2) ఎ-2, బి-3, సి-1, డి-4
3) ఎ-3, బి-2, సి-4, డి-1 4) ఎ-2, బి-3, సి-4, డి-1

48. కింది వాటిని కాలానుక్రమంలో జతపరచండి

ఎ. ఇబ్రహీం కుతుబ్‌షా బి. అబ్దుల్లా కుతుబ్‌షా
సి. మహ్మద్‌ కుతుబ్‌షా డి. జంషీద్‌
1) ఎ, సి, బి, డి 2) డి, ఎ, సి, బి 3) డి, ఎ, బి, సి 4) ఎ, డి, సి, బి

49. సరికాని ప్రవచనాన్ని గుర్తించండి.

1) మహబూబ్‌ అలీపాషా పాలనా కాలంలో బషీర్‌-ఉద్‌-దౌలా
న్యాయశాఖ మంత్రి
2) సాలార్‌జంగ్‌ మ్యూజియాన్ని 1951, డిసెంబర్‌ 16న పండిట్‌ జవహర్‌లాల్‌ నెహ్రూ ప్రజల సందర్శనార్థం ప్రారంభించారు
3) నిజాం అలీఖాన్‌ పాలనా కాలంలో అలీనవాబ్‌జంగ్‌ ప్రసిద్ధ ఇంజినీర్‌

50. కింది ప్రవచనాల్లో సరికానిది గుర్తించండి.

1) ముజఫర్‌ జంగ్‌ ఫ్రెంచ్‌ గవర్నర్‌ అయిన డూప్లెకు నవాబ్‌ జాఫర్‌ జంగ్‌ అనే బిరుదును ప్రదానం చేశారు
2) ముజఫర్‌ జంగ్‌ను ఆర్కాట్‌ నవాబు అన్వరుద్దీన్‌ చంపాడు
3) 1753లో సలాబత్‌ జంగ్‌ ఉత్తర సర్కారులను ఫ్రెంచ్‌ వారికి అప్పగించారు
4) నిజాం ఉల్‌ ముల్క్‌ అసఫ్‌ జాహీ మరణానంతరం ఆయన కుమారుడు నాజర్‌ జంగ్‌ రాజు అయ్యాడు

మీకు తెలుసా

• మౌర్యులు దక్కన్‌ను జయించే నాటికి గోదావరి నుంచి తుంగభద్ర నదీ లోయవరకు చాలా ప్రాంతా ల్లో గ్రామాలు, చిన్న పట్టణాలు ఉండేవి.
• ఈ ప్రాంతాల్లో ఆనాటికే ఇనుముతో తయారు చేసిన వస్తువులను అమ్మేవారు. కొన్నిచోట్ల బంగారం గనుల నుంచి బంగారం తీసి ఆభరణాలు తయారు చేసేవారు.
• మిగతా ప్రాంతాల్లో చాలావరకు అడవులుండేవి. వాటిలో వేట, ఆహార సేకరణదారులు, పశుపాలకులు, చిన్నచిన్న ఆవాస ప్రాంతాల్లో నివసించేవారు.
• పుట్టుక, వివాహం వంటి వాటిలో దగ్గర బంధుత్వం కలిగిన ప్రజల సమూహాలను తెగలు అనేవారు.
• ఈ తెగలు, బృందాల్లో ముఖ్యమైన వారు బలమైన నాయకులుగా ఉండి వాటికి నాయకత్వం వహించారు.
• క్రమేపి వారు బలవంతులైన తెగ ప్రాంతాన్ని పాలించేవారు.
• మౌర్యుల పతనం తర్వాత ఈ తెగల నాయకులే చిన్న రాజులుగా అవతరించారు. వారిలో ఆంధ్ర శాతవాహనులు ఒకరు.
• ఆంధ్ర శాతవాహనులు కృష్ణా, గోదావరి డెల్టా వరకు విస్తరించి ఉన్న విశాల రాజ్యాన్ని ఏర్పాటు చేసుకున్నారు.
• 2000 సంవత్సరాల క్రితం 200 ఏళ్లపాటు వారి పాలన సాగింది.
• వీరిలో కొందరు కృష్ణా నది తీరాన ఉన్న అమరావతి దగ్గర ధాన్యకటకాన్ని రాజధానిగా చేసుకొని పాలించారు.
• శాతవాహన రాజ్యస్థాపకుడు – శ్రీముఖుడు.
• గౌతమీ పుత్రశాతకర్ణి, వశిష్టపుత్ర పులోమావి, యజ్ఞశ్రీ శాతకర్ణి శాతవాహనుల్లో ప్రముఖులు.
• వీరు గ్రామ పెద్దలను, చిన్న రాజులను తమ ఆధీనంలోకి తీసుకొచ్చినా, వారి పాలనలో శాతవాహనులు జోక్యం చేసుకునేవారు కాదు.
• చాలా మంది ‘గృహపతులు’, వారి కుటుంబాల్లోని మహిళలు, వ్యాపారస్తులు, బౌద్ధ ఆరామాలు, స్థూపాలు నిర్మించడానికి సహకరించారు.

సమాధానాలు

36.1 37.3 38.4 39.2
40.2 41.1 42.4 43.2
44.3 45.1 46.3 47.4
48.2 49.4 50.2

– డా.మంతెన రవికుమార్‌ విషయనిపుణులు ఆలూర్‌,నిజామాబాద్‌