వ‌ట్టి చేతుల‌తో పామును ప‌ట్టి.. చ‌క‌చ‌కా వెళ్లిపోయ‌న యువ‌తి.. వీడియో వైర‌ల్

వియ‌త్నాంకు చెందిన ఓ యువ‌తి పాము ప‌ట్టిన వీడియో ఒక‌టి సోష‌ల్ మీడియాలో చ‌క్క‌ర్లు కొడుతున్న‌ది

June 3, 2021 / 09:44 PM IST

వ‌ట్టి చేతుల‌తో పామును ప‌ట్టి.. చ‌క‌చ‌కా వెళ్లిపోయ‌న యువ‌తి.. వీడియో వైర‌ల్

పాము క‌నిపిస్తేనే ఆమ‌డ దూరం ప‌రిగెత్తుతాం. ఇక పామును ప‌ట్టుకోవాలంటే.. అబ్బో ఎంతో ఓర్పు, నేర్పు కావాలి క‌దూ..! నిజ‌మే మ‌రి పామును ప‌ట్టుకోవ‌డం అందరితో అయ్యే ప‌నికాదు. అందులోనూ అమ్మాయిలు పాములు ప‌ట్ట‌డం అంటే.. విన‌డానికే ఆశ్చ‌ర్యంగా ఉంది.

వియ‌త్నాంకు చెందిన ఓ యువ‌తి పాము ప‌ట్టిన వీడియో ఒక‌టి సోష‌ల్ మీడియాలో చ‌క్క‌ర్లు కొడుతున్న‌ది. రోడ్డు వార‌గా ఉన్న రాళ్ల‌ల్లో ప‌డుకున్న పామును వ‌ట్టి చేతుల‌తో ఒడిసిప‌ట్టుకుంది. యువ‌తి చేతుల్లో నుంచి బ‌య‌ట‌ప‌డేందుకు పాము గింజుకున్నా వ‌ద‌ల్లేదు. ఒక చేత్తో పాము త‌ల‌ను, మ‌రో చేత్తో పాము తోక‌ను ప‌ట్టుకుని వెళ్లిపోయింది. ఈ అమ్మాయి పామును ప‌ట్ట‌డాన్ని కారులో కూర్చున్న ఓ వ్య‌క్తి .. పాము ప‌ట్టుకుని వెళ్లిపోతుండ‌గా భయంతో కారు విండోస్ పైకెక్కించ‌డం మ‌నం గ‌మ‌నంచొచ్చు. పామును ఒంటికి చుట్టుకుపోగా.. ఆ యువ‌తి చ‌క‌చ‌కా న‌డుస్తూ వెళ్లిపోయింది.

ఈ వీడియోను వీక్షించిన వారు అమ్మాయి ధైర్యాన్ని మెచ్చుకున్నారు. పాములు ప‌ట్టుకోవ‌డంలో వియ‌త్నమీస్ చాలా నేర్ప‌రులు అని కొంద‌రు నెటిజెన్లు కామెంట్ చేయ‌గా.. ఇలాంటి ధైర్యం నేను కూడా చేస్తే బాగుంటుంది అని మ‌రోక‌రు రాశారు.