లాక్‌డౌన్‌కు రెండేండ్లు

• 2020 మార్చి 22న జనతా కర్ఫ్యూతో మొదలు
• అదేరోజు రాష్ట్రంలో లాక్‌డౌన్‌ ప్రకటించిన కేసీఆర్‌
• కొవిడ్‌ మహమ్మారిపై పైచేయి సాధించిన తెలంగాణ
• దేశానికే ఆదర్శంగా నిలిచిన జ్వర సర్వే, ఐసొలేషన్‌ కిట్స్‌
• ప్రభుత్వరంగ వైద్యంపై ప్రజల్లోబాగా పెరిగిన నమ్మకం

సరిగ్గా రెండేండ్ల క్రితం.. 2020 మార్చి 22న.. యావత్‌ భారతదేశం.. ఇండ్లకే పరిమితమైంది. జనతా కర్ఫ్యూ కారణంగా ఆ రోజంతా ఎవరూ గడపదాటి బయటకు రాలేదు. అవి కరోనా వైరస్‌ విజృంభిస్తున్న తొలిరోజులు. వైరస్‌నుఎలా కట్టడి చేయాలో.. దాని బారి నుంచి ఎలా రక్షించుకోవాలో.. ఏ మందులు వాడాలో అర్థంకాని పరిస్థితి. అందరిలోనూ ప్రాణభయం.

వైరస్‌ కట్టడికి ప్రభుత్వం ఎంచుకున్న అస్త్రమే

లాక్‌డౌన్‌! మార్చి 23న రాష్ట్ర ప్రభుత్వం లాక్‌డౌన్‌ విధించింది. మార్చి 25 నుంచి కేంద్రం కూడా దేశవ్యాప్తంగా లాక్‌డౌన్‌ ప్రకటించింది. ఇది మే 31 వరకు కొనసాగింది. ఆ తరువాత దశలవారీగా సడలింపులు మొదలయ్యాయి. ఈ రెండేండ్లలో కరోనా ఎన్నో పాఠాలు, గుణపాఠాలుబోధించింది. మరెన్నో జాగ్రత్తలు నేర్పింది.
– హైదరాబాద్‌, మార్చి 21(నమస్తే తెలంగాణ)

• హైదరాబాద్‌ పరిధిలోని ప్రభుత్వ దవాఖానల్లోనే 1,28,800 మందికి పైగా చికిత్స పొంది, వైరస్‌ను జయించారు.
• ఒక దశలో రోజుకు గరిష్ఠంగా 1.3 లక్షల టెస్టులు చేయడం విశేషం. థర్డ్‌వేవ్‌ నాటికి సుమారు రెండు కోట్ల టెస్టింగ్‌ కిట్లను సిద్ధంచేశారు.
• ప్రపంచ ఆరోగ్య సంస్థ ప్రతి పది లక్షల జనాభాకు రోజుకు 140 పరీక్షలు నిర్వహించాలని సూచించింది. తెలంగాణలో అంతకు 20 రెట్లు అధికంగా పరీక్షలు నిర్వహించారు.
• రాష్ట్ర ప్రభుత్వం యుద్ధప్రాతిపదికన టిమ్స్‌ దవాఖానను సిద్ధంచేసింది.
• లాక్‌డౌన్‌లో ఆకలితో అలమటించకుం డా ఉచితంగా బియ్యం పంపిణీ చేసింది.
• సెకండ్‌, థర్డ్‌ వేవ్‌ సమయాల్లో రాష్ట్రవ్యాప్తంగా చేపట్టిన జ్వర సర్వే అద్భుత ఫలితాలు ఇచ్చింది.
• జ్వర లక్షణాలు ఉన్నవారికి అందజేసిన ఐసొలేషన్‌ కిట్లు దేశానికి ఆదర్శంగా నిలిచాయి.
• ప్రభుత్వ దవాఖానల్లోని 27 వేలకు పైగా పడకలు ఆక్సిజన్‌ బెడ్స్‌గా మారాయి.
• రాష్ట్రంలో వ్యాక్సినేషన్‌ వివరాలు
• 18 ఏండ్లు 106%
• పైబడినవారికి 98%
• 15-17 87%
• ఏండ్లవారికి 63%
• మొదటి డోస్‌ రెండో డోస్‌
• రాష్ట్రంలో తొలి కొవిడ్‌ కేసు నమోదైన తేదీ2020 మార్చి 2
• దేశంలో జనతా కర్ఫ్యూ పాటించిన రోజు2020 మార్చి 21
• రాష్ట్రంలో లాక్‌డౌన్‌ మొదలైన తేదీ2020 మార్చి 22
• దేశవ్యాప్తంగా లాక్‌డౌన్‌ మొదలైన తేదీ2020 మార్చి 25
• లాక్‌డౌన్‌ ముగింపు2020 మే 31
• రెండేండ్లలో రాష్ట్రంలో కొవిడ్‌ పరిస్థిత
• పాజిటివ్‌ కేసులు 7,90,791
• కోలుకున్నవారు 7,86,023
• రికవరీ రేటు 99.39%
• మరణాల సంఖ్య 4,111
• మరణాల రేటు 0.51%
• చేసిన టెస్టులు 3.40కోట్లు

నిరంతరం సీఎం పర్యవేక్షణ

కొవిడ్‌ కట్టడి చర్యలను ముఖ్యమంత్రి కేసీఆర్‌ నిరంతరం పర్యవేక్షిస్తున్నారు. అన్ని స్థాయిల్లో ప్రభుత్వ దవాఖానలను బలోపేతం చేశారు. కొవిడ్‌ వార్డులో పర్యటించి ధైర్యాన్ని నింపారు. కష్టకాలంలో ప్రభుత్వ దవాఖానలు ప్రజలను ఆదుకున్నాయి. ప్రభుత్వం రూ.వందల కోట్ల విలువ చేసే వైద్యాన్ని ఉచితంగా అందించింది. ప్రాణాలను లెక్కచేయకుండా వైద్యసిబ్బంది నిరంతరం శ్రమించారు.
-శ్రీనివాస్‌రావు, ప్రజారోగ్యశాఖ సంచాలకుడు

వైద్యసిబ్బంది అసమాన సేవలు

కొవిడ్‌ కట్టడిలో ఆశ కార్యకర్తలు మొదలు అన్ని స్థాయిల వైద్యసిబ్బంది చేసిన సేవలు అసమానం. ప్రాణాలను అడ్డుపెట్టి ప్రజలకు మెరుగైన సేవలు అందించారు. గాంధీ దవాఖాన నోడల్‌ సెంటర్‌గా దేశానికే ఆదర్శంగా నిలిచింది. సుమారు 85 వేల మంది ప్రాణాలను కాపాడగలిగాం. ప్రభుత్వం అత్యాధునిక వైద్య పరికరాలను, ఔషధాలను అందుబాటులో ఉంచింది.
– రాజారాం, గాంధీ దవాఖాన సూపరింటెండెంట్‌