Stock Markets | దిగివ‌చ్చిన ముడిచ‌మురు ధ‌ర‌లు.. ఏకంగా వెయ్యికిపైగా పాయింట్ల లాభంతో సెన్సెక్స్‌..!

Stock Markets | దేశీయ స్టాక్‌ మార్కెట్లు (Stock Markets) ఇవాళ (సోమవారం) భారీ లాభాల్లో కొనసాగుతున్నాయి. ఇరాన్, అమెరికా (Iran, USA) మ‌ధ్య యుద్ధాన్ని ముగించేందుకు చర్చలు జరుగుతున్నాయన్న వార్తలతో ముడిచమురు ధ‌ర‌లు దిగివ‌చ్చాయి. దాంతో సూచీలు భారీ లాభాల్లో దూసుకుపోతున్నాయి. ఒక దశలో సెన్సెక్స్ (Sensex) 1000 పాయింట్లకుపైగా ఎగబాకింది.

Stock Markets : దేశీయ స్టాక్‌ మార్కెట్లు (Stock Markets) ఇవాళ (సోమవారం) భారీ లాభాల్లో కొనసాగుతున్నాయి. ఇరాన్, అమెరికా (Iran, USA) మ‌ధ్య యుద్ధాన్ని ముగించేందుకు చర్చలు జరుగుతున్నాయన్న వార్తలతో ముడిచమురు ధ‌ర‌లు దిగివ‌చ్చాయి. దాంతో సూచీలు భారీ లాభాల్లో దూసుకుపోతున్నాయి. ఒక దశలో సెన్సెక్స్ (Sensex) 1000 పాయింట్లకుపైగా ఎగబాకింది. ఉదయం 11.10 గంటల సమయంలో సెన్సెక్స్ 989 పాయింట్ల లాభంతో 75,488 వద్ద ట్రేడవుతోంది. నిఫ్టీ 289 పాయింట్లు పెరిగి 23,305 వద్ద కదలాడుతున్న‌ది.

నిఫ్టీ సూచీలో రిలయన్స్‌, మ్యాక్స్‌ హెల్త్‌కేర్‌, టాటా స్టీల్‌, జియో ఫైనాన్షియల్, ఎన్‌టీపీసీ షేర్లు లాభాల్లో ఉండగా సన్ ఫార్మా, అపోలో హాస్పిటల్‌, ఐషర్ మోటార్స్‌, అదానీ పోర్ట్స్‌, ట్రెంట్ షేర్‌లు నష్టపోతున్నాయి. డాలర్‌తో పోలిస్తే రూపాయి మారకం విలువ 94.97 వద్ద ప్రారంభమైంది. త్రైమాసిక ఫలితాల్లో రిలయన్స్ ఇండస్ట్రీస్ మెరుగైన ఆర్థిక ఫలితాలను ప్రకటించింది. సెప్టెంబర్‌ త్రైమాసికంలో రూ.29,550 కోట్ల రికార్డు నికర లాభాన్ని నమోదుచేసింది.

ఈ ఫలితాలు మదుపర్లను మెప్పించాయి. దాంతో రిలయన్స్ ఇండస్ట్రీస్ షేర్ 6 శాతానికిపైగా ఎగబాకింది. కంపెనీల బలమైన ఫలితాలు ప్రధాన సూచీల ర్యాలీకి కారణమయ్యాయి. మరోవైపు బ్రెంట్ క్రూడ్ ఒక బ్యారెల్‌కు 110 డాలర్లకు దిగివ‌చ్చింది. గతవారం ఆరునెలల గరిష్ఠస్థాయి అయిన 118 డాలర్లను తాకింది. ఇప్పుడు 8 డాల‌ర్‌లు వెన‌క్కి త‌గ్గింది.