Samsung Galaxy F17 5G | అత్యంత చ‌వ‌క ధ‌ర‌కే 5జి ఫోన్‌ను లాంచ్ చేసిన శాంసంగ్‌.. ఫీచ‌ర్లు ఎలా ఉన్నాయంటే..?

శాంసంగ్ సంస్థ గెలాక్సీ ఎఫ్‌17 5జి పేరిట ఓ నూత‌న స్మార్ట్ ఫోన్‌ను భార‌త మార్కెట్‌లో రిలీజ్ చేసింది. గ‌తంలో ఎఫ్16 5జి ఫోన్ రాగా దానికి కొన‌సాగింపుగా ఎఫ్17 5జి ఫోన్‌ను లాంచ్ చేశారు. ఇందులో ప‌లు ఆక‌ట్టుకునే ఫీచ‌ర్ల‌ను అందిస్తున్నారు.

Samsung Galaxy F17 5G | శాంసంగ్ సంస్థ గెలాక్సీ ఎఫ్‌17 5జి పేరిట ఓ నూత‌న స్మార్ట్ ఫోన్‌ను భార‌త మార్కెట్‌లో రిలీజ్ చేసింది. గ‌తంలో ఎఫ్16 5జి ఫోన్ రాగా దానికి కొన‌సాగింపుగా ఎఫ్17 5జి ఫోన్‌ను లాంచ్ చేశారు. ఇందులో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. దీని ధ‌ర కూడా త‌క్కువ‌గానే ఉండ‌డం విశేషం. గెలాక్సీ ఎఫ్‌17 5జి స్మార్ట్ ఫోన్‌లో 6.7 ఇంచుల సూప‌ర్ అమోలెడ్ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 90 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల ఫోన్ డిస్‌ప్లే చాలా క్వాలిటీగా ఉంటుంది. అద్భుత‌మైన దృశ్యాల‌ను వీక్షించ‌వ‌చ్చు. ఈ ఫోన్‌లో ఎగ్జినోస్ 1330 ఆక్టాకోర్ ప్రాసెస‌ర్‌ను ఇచ్చారు.

6 ఏళ్ల వ‌ర‌కు అప్‌డేట్స్‌..

ఈ ఫోన్‌లో 50 మెగాపిక్స‌ల్ మెయిన్ కెమెరా వెనుక వైపు ఉండ‌గా మ‌రో 5 మెగాపిక్స‌ల్ అల్ట్రా వైడ్ యాంగిల్ కెమెరాను, ఇంకో 2 మెగాపిక్స‌ల్ మాక్రో కెమెరాను కూడా ఇచ్చారు. అందువ‌ల్ల వెనుక వైపు మొత్తం మూడు కెమెరాలు ఉంటాయి. ముందు వైపు 13 మెగాపిక్స‌ల్ కెమెరా ఉంది. ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. దీనికి గాను 6 ఓఎస్ అప్‌డేట్స్‌ను, 6 ఏళ్ల వ‌ర‌కు సెక్యూరిటీ అప్‌డేట్స్ ను అందిస్తామ‌ని కంపెనీ చెబుతోంది. ఈ ఫోన్ డిస్‌ప్లేకు గొరిల్లా గ్లాస్ ప్రొటెక్ష‌న్‌ను సైతం అందిస్తున్నారు. ఈ ఫోన్‌లో 5000 ఎంఏహెచ్ భారీ కెపాసిటీ ఉన్న బ్యాటరీని అమ‌ర్చారు. దీనికి 25 వాట్ల ఫాస్ట్ చార్జింగ్‌కు స‌పోర్ట్ ల‌భిస్తుంది. అందువ‌ల్ల ఫోన్‌ను వేగంగా చార్జింగ్ చేసుకోవ‌చ్చు.

రెండు వేరియెంట్లు..

4జీబీ, 6జీబీ ర్యామ్‌, 128జీబీ స్టోరేజ్ ఆప్ష‌న్ల‌లో ఈ ఫోన్‌ను లాంచ్ చేశారు. మెమొరీని కార్డు ద్వారా 2టీబీ వ‌ర‌కు పెంచుకునే స‌దుపాయం క‌ల్పించారు. హైబ్రిడ్ డ్యుయ‌ల్ సిమ్ స్లాట్ ల‌భిస్తుంది. ఫింగ‌ర్ ప్రింట్ సెన్సార్‌ను ప‌క్క భాగంలో ఇచ్చారు. యూఎస్‌బీ టైప్ సి ఆడియోకు ఇందులో స‌పోర్ట్ ల‌భిస్తుంది. ఐపీ 54 డ‌స్ట్ అండ్ వాట‌ర్ రెసిస్టెంట్ ఫీచ‌ర్ కూడా ఉంది. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ ఫీచ‌ర్ కూడా ల‌భిస్తుంది. డ్యుయల్ బ్యాండ్ వైఫై, బ్లూటూత్ 5.3, యూఎస్‌బీ టైప్ సి, ఎన్ఎఫ్‌సీ వంటి అద‌న‌పు స‌దుపాయాల‌ను సైతం ఇందులో అందిస్తున్నారు.

ధ‌ర వివ‌రాలు..

శాంసంగ్ గెలాక్సీ ఎఫ్‌17 5జి ఫోన్‌ను వ‌యోలెట్ పాప్‌, నియో బ్లాక్ క‌ల‌ర్ ఆప్ష‌న్ల‌లో లాంచ్ చేశారు. ఈ ఫోన్‌కు చెందిన 4జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.14,499 ఉండ‌గా, 6జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.15,999గా ఉంది. ఈ ఫోన్‌ను అన్ని ప్ర‌ధాన రిటెయిల్ స్టోర్స్‌తోపాటు శాంసంగ్ ఆన్ లైన్ స్టోర్‌, ఫ్లిప్‌కార్ట్‌లో విక్ర‌యిస్తున్నారు. లాంచింగ్ సంద‌ర్భంగా ఈ ఫోన్‌పై డిస్కౌంట్‌ను కూడా అందిస్తున్నారు. ఈ ఫోన్‌ను హెచ్‌డీఎఫ్‌సీ బ్యాంకు కార్డుల‌తో లేదా యూపీఐ ద్వారా కొనుగోలు చేస్తే రూ.500 క్యాష్ బ్యాక్ ల‌భిస్తుంది. 6 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా ఉంది.