Acer Nitro V 15 | గేమింగ్ ప్రియులు, కంటెంట్ క్రియేట‌ర్ల కోసం ఏస‌ర్ నుంచి ప్ర‌త్యేక ల్యాప్ టాప్‌..!

గేమింగ్ ప్రియులు, కంటెంట్ క్రియేట‌ర్ల కోసం ఏస‌ర్ సంస్థ ఓ నూత‌న ల్యాప్ టాప్‌ను విడుద‌ల చేసింది. నైట్రో వి15 పేరిట ఈ ల్యాప్‌టాప్‌ను భార‌త్‌లో విడుద‌ల చేశారు. ఇందులో ప‌లు ఆక‌ట్టుకునే ఫీచ‌ర్ల‌ను అందిస్తున్నారు.

Acer Nitro V 15 | గేమింగ్ ప్రియులు, కంటెంట్ క్రియేట‌ర్ల కోసం ఏస‌ర్ సంస్థ ఓ నూత‌న ల్యాప్ టాప్‌ను విడుద‌ల చేసింది. నైట్రో వి15 పేరిట ఈ ల్యాప్‌టాప్‌ను భార‌త్‌లో విడుద‌ల చేశారు. ఇందులో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. ఈ రేంజ్‌లో త‌క్కువ ధ‌ర‌కే ఈ ల్యాప్‌టాప్‌ను వినియోగ‌దారుల‌కు అందిస్తున్నారు. విద్యార్థులు, ఉద్యోగులు, క్రియేట‌ర్ల కోసం ఈ ల్యాప్ టాప్ ఎంత‌గానో ఉప‌యోగ‌ప‌డుతుంద‌ని కంపెనీ చెబుతోంది. ఈ ల్యాప్‌టాప్‌ను ఆబ్సిడియ‌న్ బ్లాక్ క‌ల‌ర్ ఆప్ష‌న్‌లో లాంచ్ చేశారు. 2.1 కిలోల బ‌రువును క‌లిగి ఉంటుంది. ఎక్కువ కాలం మ‌న్నేలా ఈ ల్యాప్‌టాప్‌ను రూపొందించారు. దీనికి గాను ఆంబ‌ర్ బ్యాక్‌లిట్ కీబోర్డును అందిస్తున్నారు. 15.6 ఇంచుల డిస్‌ప్లే ఉంది. దీనికి ఫుల్ హెచ్‌డీ రిజ‌ల్యూష‌న్‌ను, 165 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే చాలా క్వాలిటీగా ఉంటుంది. అద్భుత‌మైన దృశ్యాల‌ను వీక్షించ‌వ‌చ్చు.

సుల‌భంగా 4కె వీడియోల ఎడిటింగ్‌..

ఈ ల్యాప్‌టాప్‌లో 13వ జ‌న‌రేష‌న్ ఇంటెల్ కోర్ ఐ7-13620హెచ్ ప్రాసెస‌ర్‌ను ఏర్పాటు చేశారు. ఎన్‌వీడియా జిఫోర్స్ ఆర్టీఎక్స్ 5060 గ్రాఫిక్ కార్డు కూడా ఉంది. అందువ‌ల్ల క్రియేట‌ర్లు చాలా సుల‌భంగా 4కె వీడియోల‌ను చిత్రీక‌రించుకోవ‌చ్చు. ఈ ల్యాప్‌టాప్‌కు గాను డ్యుయ‌ల్ ఫ్యాన్‌, డ్యుయ‌ల్ ఇన్‌టేక్‌, డ్యుయ‌ల్ ఎగ్జాస్ట్ కూలింగ్ సిస్ట‌మ్‌ను ఏర్పాటు చేశారు. అందువ‌ల్ల ఎక్కువ సేపు దీన్ని ఉప‌యోగించిన‌ప్ప‌టికీ ల్యాప్ టాప్ అంత త్వ‌ర‌గా హీట్ కు గురి కాదు. ఈ ల్యాప్‌టాప్‌కు ప్ర‌త్యేకంగా నైట్రో సెన్స్ కీని అందిస్తున్నారు. అందువ‌ల్ల రియ‌ల్‌టైమ్‌లో ల్యాప్ టాప్ పెర్ఫామెన్స్‌, ఫ్యాన్ స్పీడ్‌, ప‌వ‌ర్ ప్లాన్స్ వంటి విష‌యాల‌ను తెలుసుకోవ‌చ్చు.

అద్బుత‌మైన ఏఐ ఫీచర్లు..

ఈ ల్యాప్ టాప్‌లో 2టీబీ ఎస్ఎస్‌డీ ల‌భిస్తుంది. 32జీబీ వ‌ర‌కు ర్యామ్‌ను పొంద‌వ‌చ్చు. వైఫై 6 స‌దుపాయం కూడా ఉంది. యూఎస్‌బీ టైప్ సి థండ‌ర్ బోల్ట్ 4 పోర్టును ఇచ్చారు. క‌నుక డేటాను వేగంగా ట్రాన్స్‌ఫ‌ర్ చేసుకోవ‌చ్చు. అలాగే చార్జింగ్ కూడా వేగంగా అవుతుంది. హెచ్‌డీఎంఐ పోర్టును, యూఎస్‌బీ 3.2 జెన్ 1 పోర్టుల‌ను ఈ ల్యాప్ టాప్‌కు ఇచ్చారు. మైక్రోసాఫ్ట్ విండోస్ కు చెందిన ఏఐ టూల్స్ కోసం ప్ర‌త్యేకంగా కో పైల‌ట్ కీని ఏర్పాటు చేశారు. విండోస్ 11 ఆప‌రేటింగ్ సిస్ట‌మ్ ఈ ల్యాప్ టాప్‌లో ల‌భిస్తుంది. ప్యూరిఫైడ్ వాయిస్ ఏఐ నాయిస్ క్యాన్సిలేష‌న్‌, ప్యూరిఫైడ్ వ్యూ ఏఐ వెబ్ క్యామ్ ఎన్‌హాన్స్‌మెంట్స్‌, వీడియో కాల్స్ కోసం ఆటో ఫ్రేమింగ్‌, బ్యాక్ గ్రౌండ్ బ్ల‌ర్‌, డీటీఎస్ సౌండ్ వంటి అద్భుత‌మైన ఫీచ‌ర్ల‌ను ఈ ల్యాప్ టాప్‌లో అందిస్తున్నారు.

ధ‌ర వివ‌రాలు..

ఏస‌ర్ నైట్రో వి15 ల్యాప్ టాప్‌కు చెందిన ఐ5 మోడ‌ల్ ధ‌ర రూ.89,999 గా ఉండ‌గా, ఐ7 మోడ‌ల్ ధ‌ర రూ.99,999గా ఉంది. ఈ ల్యాప్ టాప్‌ను ఏస‌ర్ ఎక్స్‌క్లూజివ్ స్టోర్స్‌తోపాటు, ఏస‌ర్ ఆన్ లైన్ స్టోర్‌, అమెజాన్‌, ఫ్లిప్‌కార్ట్ వంటి సైట్ల‌లోనూ కొనుగోలు చేయ‌వ‌చ్చు. ఈ ల్యాప్ టాప్ ప్ర‌స్తుతం వినియోగ‌దారుల‌కు అందుబాటులో ఉంది.