‘శ్రీకృష్ణం వందే జగద్గురుం’ కోలాట బృందానికి జాతీయ పురస్కారం

భద్రాద్రి కొత్తగూడెం జిల్లా బూర్గంపహాడ్ మండలం పారిశ్రామికవాడ సారపాక ప్రాంతానికి చెందిన శ్రీకృష్ణం వందే జగద్గురుం కోలాట బృందానికి జాతీయ స్థాయిలో అరుదైన గౌరవం దక్కింది. భారతీయ సంప్రదాయ జానపద కళ కోలాటానికి విశేష సేవలందిస్తూ కళావైభవాన్ని...

– సారపాక కోలాట కళాకారులకు అరుదైన గౌరవం

బూర్గంపహాడ్, అక్టోబర్ 17 : భద్రాద్రి కొత్తగూడెం జిల్లా బూర్గంపహాడ్ మండలం పారిశ్రామికవాడ సారపాక ప్రాంతానికి చెందిన శ్రీకృష్ణం వందే జగద్గురుం కోలాట బృందానికి జాతీయ స్థాయిలో అరుదైన గౌరవం దక్కింది. భారతీయ సంప్రదాయ జానపద కళ కోలాటానికి విశేష సేవలందిస్తూ కళావైభవాన్ని చాటుతున్న ఈ బృందానికి బహుజన సాహిత్య అకాడమీ ఆధ్వర్యంలో ‘భారతీయ కోలాట కళారత్న’ జాతీయ పురస్కారం-2026 నవంబర్ 15న దేశరాజధాని న్యూఢిల్లీలో ప్రధానం చేయనున్నారు. దీనికి సంబంధించి శుక్రవారం హైదరాబాద్లో బహుజన సాహిత్య అకాడమీ నేషనల్ కార్యాలయంలో అంతర్జాతీయ అధ్యక్షులు నల్ల రాధాకృష్ణ చేతులమీదుగా ఎంపిక పత్రాలను కోలాట బృందం అందుకుంది. అవార్డుల ప్రధాన ఉత్సవ కార్యక్రమంలో ప్రత్యేక ప్రదర్శనకు శ్రీకృష్ణం వందే జగద్గురుం టీంను ఎంపిక చేసినట్లు తెలిపారు. 28 రాష్ట్రాల కళాకారులు 8 దేశాల ప్రజాప్రతినిధులు పాల్గొనే ఇంతటి మహత్తర కార్యక్రమంలో కోలాట కళకు వన్నెతెచ్చి జాతీయ పురస్కారానికి ఎంపికైన | శ్రీకృష్ణం వందే జగద్గురుం బృందం గురువు తోకల రమేష్, కోలాట కళాకారులను పలువురు అభినందిస్తున్నారు.