Passenger Vehicles | రికార్డుస్థాయికి ప్యాసింజర్‌ వాహనాల సేల్స్‌.. టాప్‌గేర్‌లో మారుతి సుజుకీ

దేశవ్యాప్తంగా ప్యాసింజర్‌ వాహన విక్రయాలు టాప్‌గేర్‌లో దూసుకుపోతున్నాయి. గడిచిన సంవత్సరానికిగాను దేశీయంగా 43 లక్షల యూనిట్ల ప్యాసింజర్‌ వాహనాలు అమ్ముడయ్యాయి.

Passenger vehicles | న్యూఢిల్లీ, జనవరి 1: దేశవ్యాప్తంగా ప్యాసింజర్‌ వాహన విక్రయాలు టాప్‌గేర్‌లో దూసుకుపోతున్నాయి. గడిచిన సంవత్సరానికిగాను దేశీయంగా 43 లక్షల యూనిట్ల ప్యాసింజర్‌ వాహనాలు అమ్ముడయ్యాయి. వాహన దిగ్గజాలైన మారుతి సుజుకీ, హ్యుందాయ్‌, టాటా మోటర్స్‌, టయోటా కిర్లోస్కర్‌ మోటర్‌, కియాలు అత్యధిక వార్షిక వృద్ధిని నమోదు చేసుకోవడం ఇందుకు కలిసొచ్చింది. పీవీల విక్రయాలు దూసుకోవడానికి ప్రధానంగా గ్రామీణ ప్రాంత మార్కెట్‌ చాలా కీలక పాత్ర పోషించిందని, 2023లో అమ్ముడైన 41.1 లక్షల యూనిట్లతో పోలిస్తే రెండంకెల వృద్ధి నమోదైందని మారుతి సుజుకీ సీనియర్‌ ఎగ్జిక్యూటివ్‌ అధికారి పార్థో బెనర్జీ తెలిపారు. గతేడాదిలో మారుతి అత్యధికంగా 17,90,977 యూనిట్ల ప్యాసింజర్‌ వాహనాలను విక్రయించింది. చిన్న స్థాయి నగరాలు, పట్టణాల్లో సైతం రిటైల్‌ అవుట్‌లెట్లను తెరవడానికి తీసుకున్న చర్యలు సత్ఫలితాలను ఇస్తున్నాయని,
గత ఏడాది కంపెనీల వాహన విక్రయాలు

• మారుతి సుజుకీ 17,90,977 యూనిట్ల వాహనాలను విక్రయించింది.
• హ్యుందాయ్‌ మోటర్‌ ఇండియా అత్యధికంగా 6,05,433 యూనిట్ల అమ్మకాలు జరిపింది. వీటిలో ఎస్‌యూవీ వాహనాల వాటా 67.6 శాతంగా ఉన్నది.
• టాటా మోటర్స్‌ 5.65 లక్షల వాహనాలను విక్రయించింది.
• టయోటా కిర్లోస్కర్‌ మోటర్‌ రికార్డు స్థాయిలో గతేడాది 3,26,329 యూనిట్ల వాహన అమ్మకాలు జరిపింది. 2023లో విక్రయించిన 2,33,346 యూనిట్లతో పోలిస్తే 40 శాతం అధికం.

2024లో 43 లక్షల యూనిట్ల అమ్మకాలు