Dasara | ఛమ్‌కీలా అంగీలేసి పాటకు నాని సతీమణి డ్యాన్స్‌

నాని (Nani) నటించిన దసరా (Dasara) సినిమాలోని ఛమ్‌కీలా అంగీలేసి (Chamkeela Angeelesi) పాటను మ్యూజిక్‌ లవర్స్‌, మూవీ లవర్స్ ఫుల్ ఎంజాయ్ చేస్తున్నారు. ఇప్పుడిదే పాటకు నాని సతీమణి అంజనా యెలవర్తి (Anjana Yelavarthy) కూడా తెగ ఎంజాయ్‌ చేస్తోంది.

March 22, 2023 / 07:05 PM IST

Dasara | ఛమ్‌కీలా అంగీలేసి పాటకు నాని సతీమణి డ్యాన్స్‌

కొన్ని రోజులుగా నెట్టింట ట్రెండింగ్‌ అవుతున్న పాట ఏదైనా ఉందా..? అంటే ఠక్కున చెప్పే సాంగ్‌ ఛమ్‌కీలా అంగీలేసి (Chamkeela Angeelesi). నాని (Nani) నటించిన దసరా (Dasara) సినిమాలోని ఈ పాటను మ్యూజిక్‌ లవర్స్‌, మూవీ లవర్స్ ఫుల్ ఎంజాయ్ చేస్తున్నారు. ఇప్పుడిదే పాటను నాని సతీమణి అంజనా యెలవర్తి (Anjana Yelavarthy) కూడా తెగ ఎంజాయ్‌ చేస్తోంది. నటి నజ్రియాతో కలిసి ఇదే పాటకు హమ్‌ చేసింది అంజనా . క్యూట్‌ క్యూట్ ఎక్స్‌ప్రెషన్స్ తో హీరోయిన్‌ను పర్‌ఫెక్ట్‌గా దింపేసింది అంజనా. ఈ వీడియోను అంజనా ఇన్‌స్టాగ్రామ్‌లో షేర్ చేయగా..నెట్టింట్లో ట్రెండింగ్ అవుతోంది.

ఛమ్‌కీలా అంగీలేసి ఓ వదినే పాట నెట్టింట వ్యూస్ పంట పండిస్తోంది. కాసర్ల శ్యామ్ ఈ పాటను రాశారు. సంతోష్‌ నారాయణన్‌ కంపోజిషన్‌లో రామ్‌ మిర్యాల, DHEE పాడారు. ఈ పాటకు పాపులర్‌ కొరియోగ్రఫర్‌ రక్షిత్‌ శెట్టి నృత్యరీతులు సమకూర్చాడు. పక్కా మాస్‌ ఎంటర్‌టైనర్‌గా తెరకెక్కుతున్న దసరా చిత్రానికి శ్రీకాంత్‌ ఓదెల దర్శకత్వం వహిస్తున్నాడు. దసరా టైంలో పల్లెటూరి యాసలో నాని గురించి కీర్తిసురేశ్‌ పాడుకునే ఈ పాట మ్యూజిక్‌ లవర్స్ ను ఆకట్టుకుంటోంది.

ఈ చిత్రంలో కీర్తిసురేశ్‌ ఫీ మేల్ లీడ్ రోల్‌ పోషిస్తుండగా.. సాయికుమార్, స‌ముద్రఖని, జ‌రీనా వ‌హ‌బ్ ఇతర కీలక పాత్రల్లో నటిస్తున్నారు. శ్రీ ల‌క్ష్మి వెంక‌టేశ్వర క్రియేష‌న్స్ బ్యాన‌ర్‌పై సుధాక‌ర్ చెరుకూరి ఈ చిత్రాన్ని నిర్మిస్తున్నారు. దసరా మార్చి 30న ప్రపంచవ్యాప్తంగా తెలుగు,తమిళం, కన్నడ, మలయాళం, హిందీ భాషల్లో థియేటర్లలో గ్రాండ్‌గా విడుదల కానుంది.

నజ్రియా, అంజనా డ్యాన్స్‌..