Rythu Garjana | ఈనెల 11న నిర్మల్‌లో కేటీఆర్‌ రైతు గర్జన సభను విజయవంతం చేయాలి

Rythu Garjana | ఈ నెల 11న నిర్మల్ జిల్లా కేంద్రంలో నిర్వహించనున్న రైతు గర్జన సభ ను విజయవంతం చేయాలని బీఆర్ఎస్ దస్తురాబాద్ మండల అధ్యక్షుడు ముడికె ఐలయ్య యాదవ్ పిలుపునిచ్చారు.

దస్తురాబాద్: ఈ నెల 11న నిర్మల్ జిల్లా కేంద్రంలో నిర్వహించనున్న రైతు గర్జన సభ ( Rythu Garjana ) ను విజయవంతం చేయాలని బీఆర్ఎస్ ( BRS  ) దస్తురాబాద్ మండల అధ్యక్షుడు ముడికె ఐలయ్య యాదవ్ ( Ilayya Yadav ) పిలుపునిచ్చారు. రైతు గర్జన సభకు బీఆర్ఎస్ పార్టీ వర్కింగ్ ప్రెసిడెంట్, మాజీ మంత్రి కేటీఆర్ ( KTR ) హాజరుకానున్నారని తెలిపారు. సోమవారం దస్తురాబాద్ మండల కేంద్రంలో ఏర్పాటు చేసిన విలేకరుల సమావేశంలో బీఆర్‌ఎస్‌ నాయకులు మాట్లాడారు.

రైతు సమస్యలను ప్రభుత్వం దృష్టికి తీసుకెళ్లడంతో పాటు రైతుల పక్షాన బీఆర్ఎస్ పార్టీ చేపడుతున్న రైతు గర్జన సభకు మండలంలోని రైతులు, రైతు సమితి నాయకులు, పార్టీ సీనియర్ నాయకులు, కార్యకర్తలు, వివిధ అనుబంధ సంఘాల నాయకులు పెద్ద సంఖ్యలో హాజరుకావాలని కోరారు. గ్రామగ్రామాన పార్టీ శ్రేణులు సమన్వయంతో పనిచేసి సభకు జనసమీకరణ చేయాలని సూచించారు. ఈ సమావేశంలో బీఆర్ఎస్ మండల నాయకులు, సర్పంచులు, మాజీ ప్రజాప్రతినిధులు, సీనియర్ నాయకులు, కార్యకర్తలు పాల్గొన్నారు.