BCCI | టీ20 వ‌ర‌ల్డ్ క‌ప్ కెప్టెన్సీ రోహిత్‌కే.. ఈ సారి ట్రోఫీ కొడుతున్నాం

BCCI : సొంతగ‌డ్డ‌పై వ‌న్డే వ‌ర‌ల్డ్ క‌ప్ చేజార్చుకున్న భార‌త జ‌ట్టు(Team India) టీ20 ప్ర‌పంచక‌ప్‌పై దృష్టి పెట్టింది. 11 ఏండ్ల ఐసీసీ ట్రోఫీ(ICC Trophy) క‌ల‌ను సాకారం చేసుకునేందుకు కాచుకొని ఉంది. ప్ర‌తిష్ఠాత్మ‌క‌మైన‌ ఈ మెగా టోర్నీలో టీమిండియా కెప్టెన్ ఎవ‌రు? అనే...

BCCI : సొంతగ‌డ్డ‌పై వ‌న్డే వ‌ర‌ల్డ్ క‌ప్ చేజార్చుకున్న భార‌త జ‌ట్టు(Team India) టీ20 ప్ర‌పంచక‌ప్‌పై దృష్టి పెట్టింది. 11 ఏండ్ల ఐసీసీ ట్రోఫీ(ICC Trophy) క‌ల‌ను సాకారం చేసుకునేందుకు కాచుకొని ఉంది. ప్ర‌తిష్ఠాత్మ‌క‌మైన‌ ఈ మెగా టోర్నీలో టీమిండియా కెప్టెన్ ఎవ‌రు? అనే వార్త‌లకు తెర‌ప‌డింది. నిరుడు వ‌న్డే ప్ర‌పంచ‌క‌ప్‌లో జ‌ట్టును అద్బుతంగా న‌డిపించిన‌ రోహిత్ శ‌ర్మ(Rohit Sharma) సార‌థిగా ఎంపికయ్యాడు. హార్దిక్ పాండ్యా వైస్ కెప్టెన్‌గా వ్య‌హ‌రిస్తాడ‌ని బీసీసీఐ సెక్ర‌ట‌రీ జై షా తెలిపాడు.

‘ఇప్పుడున్న ప‌రిస్థితుల్లో రోహిత్ మూడు ఫార్మాట్ల‌కు కెప్టెన్‌. ఇది మా అంద‌రి ఉమ్మ‌డి నిర్ణ‌యం. హ‌ర్దిక్ పాండ్యా వైస్ కెప్టెన్‌గా ఉంటాడు. ఒక‌వేళ వ‌న్డే ప్రపంచ‌కప్ మాదిరిగా పాండ్యా గాయ‌ప‌డితే.. మ‌రొక‌రికి వైస్ కెప్టెన్సీ అప్ప‌గిస్తాం’ అని జై షా వెల్ల‌డించాడు. అంతేకాదు కెప్టెన్‌గా రోహిత్ శ‌క్తిసామార్థ్యాల‌ను శంకించే ప‌ని లేదని, అత‌డిపై త‌మ‌కు పూర్తి న‌మ్మ‌కం ఉంద‌ని తెలిపాడు.

‘అఫ్గ‌నిస్థాన్‌తో జ‌రిగిన టీ20లో 27 ప‌రుగుల‌కే 4 వికెట్లు ప‌డ్డాయి. ఆ ద‌శ‌లో రోహిత్ విధ్వంస‌క సెంచ‌రీతో జ‌ట్టును గెలిపించాడు. అత‌డి కెప్టెన్సీలో వ‌న్డే ప్ర‌పంచ‌క‌ప్‌లో వ‌రుస‌గా 10 మ్యాచ్‌లు గెలిచాం. అయితే.. అనూహ్యంగా ఫైన‌ల్లో త‌డ‌బడ్డాం’ అని షా వెల్ల‌డించాడు. ఈ ఏడాది జూన్‌లో జ‌రుగ‌బోయే టీ20 వ‌ర‌ల్డ్ క‌ప్ టోర్నీకి వెస్టిండీస్, ఆస్ట్రేలియా ఆతిథ్య‌మిస్తున్నాయి. తొలి పోరులో భార‌త జ‌ట్టు ఐర్లాండ్‌ను ఢీకొట్ట‌నుంది.

వ‌ర‌ల్డ్ క‌ప్ ఫైన‌ల్లో ఓటమి త‌ర్వాత క‌న్నీళ్లు పెట్టుకున్న క్రికెట‌ర్లు

ఇవి కూడా చ‌ద‌వండి

• RTC driver | డ్రైవింగ్‌ చేస్తుండగా గుండెపోటు.. ప్రయాణికులను కాపాడి కన్నుమూసిన బస్‌ డ్రైవర్‌
• Suicide | జీడిమెట్ల‌లో విషాదం.. 70 ఏండ్ల వృద్ధుడు ఉరేసుకుని ఆత్మ‌హ‌త్య‌
• IND vs ENG 3rd Test | టాస్ గెలిచిన భార‌త్.. వికెట్ కీప‌ర్‌గా జురెల్‌కు చాన్స్