హోం ఐసొలేషన్‌ 7 రోజులే

న్యూఢిల్లీ, జనవరి 5: కరోనా సోకినా కూడా లక్షణాలు కనిపించని, స్పల్ప లక్షణాలు ఉన్నవారు హోం ఐసొలేషన్‌లో ఉండటానికి సంబంధించి కేంద్రప్రభుత్వం మార్గదర్శకాలను సవరించింది. పాజిటివ్‌ వచ్చిన తర్వాత కరోనా రోగులు కనీసం ఏడు రోజుల పాటు ఐసొలేషన్‌లో ఉండాలని అందులో పేర్కొన్నది. అంతకుముందు ఇది 10 రోజులుగా ఉంది.

1. పాజిటివ్‌ వచ్చిన తర్వాత కరోనా రోగులు ఏడు రోజులు ఐసొలేషన్‌లో ఉండాలి.
2. ఈ వారం రోజుల్లో వరుసగా మూడు రోజుల పాటు జ్వరం లక్షణాలు కనిపించకపోతేనే బయటకు రావాలి. ఐసొలేషన్‌ తర్వాత మళ్లీ కరోనా పరీక్షలు అక్కర్లేదు.
3. వీరి కాంటాక్టులకు లక్షణాలు లేకపోతే కరోనా పరీక్ష అవసరం లేదు. అయితే హోం క్వారంటైన్‌లో ఉండాలి.
4. ఐసొలేషన్‌లో ఉన్నవారితో హెల్త్‌కేర్‌ వర్కర్లు ప్రతి రోజు మాట్లాడాలి. ఆరోగ్య పరిస్థితిని తెలుసుకోవాలి. అవసరమైన వైద్య సాయం చేయాలి.
5. కరోనా రోగులు సొంత వైద్యం చేసుకోవద్దు. స్టెరాయిడ్స్‌ వాడవద్దు.