‘పట్టభద్రులు ఓటు నమోదు కేంద్రాన్ని సద్వినియోగం చేసుకోవాలి’

ఇల్లెందు నియోజకవర్గ పట్టభద్రులు ప్రతి ఒక్కరూ ఓటు నమోదు కేంద్రాన్ని సద్వినియోగం చేసుకోవాలని బీఆర్ఎస్ రాష్ట్ర నాయకుడు, ఎమ్మెల్సీ తక్కెళ్ల‌పల్లి రవీందర్ రావు పిలుపునిచ్చారు. మంగళవారం బీఆర్ఎస్ కార్యాలయంలో పట్టభద్రుల ఆన్‌లైన్ ఓటు నమోదును..

– ఎమ్మెల్సీ తక్కెళ్ల‌పల్లి రవీందర్ రావు

ఇల్లెందు, అక్టోబర్ 13 : ఇల్లెందు నియోజకవర్గ పట్టభద్రులు ప్రతి ఒక్కరూ ఓటు నమోదు కేంద్రాన్ని సద్వినియోగం చేసుకోవాలని బీఆర్ఎస్ రాష్ట్ర నాయకుడు, ఎమ్మెల్సీ తక్కెళ్ల‌పల్లి రవీందర్ రావు పిలుపునిచ్చారు. మంగళవారం బీఆర్ఎస్ కార్యాలయంలో పట్టభద్రుల ఆన్‌లైన్ ఓటు నమోదును ఎమ్మెల్సీ పరిశీలించారు. ఎమ్మెల్సీ ఓటు, ఆన్‌లైన్ విధానంలో అభ్యర్థులకు ఎదురవుతున్న సమస్యలను తెలుసుకున్న ఆయన ఫోన్ ద్వారా జిల్లా కలెక్టర్ దృష్టికి పలు సమస్యలను తీసుకెళ్లారు. అనంతరం ఆయన మాట్లాడుతూ ఓటు నమోదు విషయంలో తేడాలు ఉన్నాయని, ఒక వ్యక్తి ఆన్‌లైన్ ఎన్నిసార్లైనా చేసుకోవచ్చని ఒక వ్యక్తికి ఒకేసారి ఎమ్మెల్సీ ఓటు నమోదు అయ్యేలా చర్యలు తీసుకోవాలని కోరారు. ఈ కార్యక్రమంలో బిఆర్ఎస్ పార్టీ రాష్ట్ర నాయకులు బానోత్ హరిసింగ్ నాయక్, లక్కినేని సురేందర్ రావు, సిలివేరి సత్యనారాయణ, బద్మావత్ లాల్ సింగ్, కటకం పద్మావతి, తోట లలిత శారద, పాబోలు మణి కిరణ్, కాసాని హరిప్రసాద్, లక్ష్మీనారాయణ, రవికాంత్ పాల్గొన్నారు.