Koffee with Karan | నువ్వు ఇంకా వర్జిన్‌గానే ఉన్నావా?.. సల్మాన్‌ను మళ్లీ అదే ప్రశ్న అడిగిన కరణ్ జోహార్!

Are you still a virgin? | ప్రముఖ బాలీవుడ్ టాక్ షో 'కాఫీ విత్ కరణ్' చివరి సీజన్ అత్యంత ఆసక్తికరంగా ప్రారంభంకానుంది. ఈ చివరి సీజన్‌కు సంబంధించిన ప్రోమో విడుదల కాగా, బాలీవుడ్ స్టార్ హీరో సల్మాన్ ఖాన్ మొదటి అతిథిగా విచ్చేశారు.

Are you still a virgin? | ప్రముఖ బాలీవుడ్ టాక్ షో ‘కాఫీ విత్ కరణ్’ చివరి సీజన్ అత్యంత ఆసక్తికరంగా ప్రారంభంకానుంది. ఈ చివరి సీజన్‌కు సంబంధించిన ప్రోమో విడుదల కాగా, బాలీవుడ్ స్టార్ హీరో సల్మాన్ ఖాన్ మొదటి అతిథిగా విచ్చేశారు. ఈ సందర్భంగా హోస్ట్ కరణ్ జోహార్ తనదైన శైలిలో సల్మాన్‌ను గతంలో అడిగిన ఒక వైరల్ ప్రశ్నను మళ్లీ అడిగి అందరినీ నవ్వించారు. ప్రోమోలో కరణ్ జోహార్ సల్మాన్‌ను ఉద్దేశించి, “నువ్వు ఇంకా వర్జిన్‌గానే ఉన్నావా?” అని అనగా, సల్మాన్ “కంట్రోల్ యార్ బ్రదర్” అంటూ సరదాగా బదులిచ్చారు. వీరిద్దరి మధ్య సాగిన ఈ ఫన్నీ సంభాషణ ఇప్పుడు సోషల్ మీడియాలో విపరీతంగా వైరల్ అవుతోంది.

ఈ షోలో సల్మాన్ ఖాన్ కేవలం ప్రశ్నలకు సమాధానాలు ఇవ్వడమే కాకుండా, కరణ్ జోహార్‌తో సరదాగా కబుర్లు చెప్పారు. షో చివరి సీజన్ అనగానే, “ఇదే ఆఖరి సీజన్ అని చెప్పి అందరినీ ఈ షోకి రప్పించాలని చూస్తున్నావా?” అంటూ కరణ్ జోహార్‌ను సల్మాన్ ఆటపట్టించారు. దీనికి కరణ్ తాను నిజంగానే షోని ఆపేస్తున్నానని బదులివ్వగా, సల్మాన్ వెంటనే నవ్వుతూ “కరణ్ తుసీ నా జావో” అంటూ రిక్వెస్ట్ చేయడం విశేషం. మొత్తానికి, ‘కాఫీ విత్ కరణ్’ చివరి సీజన్ తొలి ఎపిసోడ్ పూర్తి వినోదాన్ని పంచుతుందని ఈ ప్రోమో స్పష్టం చేస్తోంది. అభిమానులు ఎంతో ఆసక్తిగా ఎదురుచూస్తున్న ఈ ఎపిసోడ్ జియో హాట్‌స్టార్ వేదికగా ప్రసారం కానుంది.