‘ప్రత్యామ్నాయ పంటల సాగుపై రైతులకు అవగాహన క‌ల్పించాలి’

ఎల్‌నినో ప్రభావాల నేపథ్యంలో వాతావరణ పరిస్థితులకు అనుగుణంగా రైతులు ప్రత్యామ్నాయ పంటల సాగుపై దృష్టి సారించాలని కొండమల్లేపల్లి మండల వ్యవసాయ అధికారి జానకిరాములు సూచించారు. కొండమల్లేపల్లి రైతు వేదికలో వ్యవసాయ విస్తరణ అధికారులు...

కొండమల్లేపల్లి, అక్టోబ‌ర్ 27 : ఎల్‌నినో ప్రభావాల నేపథ్యంలో వాతావరణ పరిస్థితులకు అనుగుణంగా రైతులు ప్రత్యామ్నాయ పంటల సాగుపై దృష్టి సారించాలని కొండమల్లేపల్లి మండల వ్యవసాయ అధికారి జానకిరాములు సూచించారు. కొండమల్లేపల్లి రైతు వేదికలో వ్యవసాయ విస్తరణ అధికారులు, రైతులతో మంగ‌ళ‌వారం అవగాహన సమావేశం నిర్వహించారు. ఈ సందర్భంగా ఆయ‌న మాట్లాడుతూ.. రైతులు వరి సాగు చేయకుండా, నువ్వులు, ఉలవలు, మినుములు వంటి ప్రత్యామ్నాయ పంటలను సాగు చేసేలా ప్రోత్స‌హించాల‌ని సూచించారు. తక్కువ నీటితో సాగు చేయగల పంటలకు ప్రాధాన్యత ఇవ్వాలని, వర్షపాతం పరిస్థితులు, భూమి స్వభావం, నీటి లభ్యతను బట్టి పంటలను ఎంపిక చేసుకునేలా చూడాల‌న్నారు. పంటల మార్పిడి ద్వారా వాతావరణ ప్రతికూలతలను ఎదుర్కొనేలా రైతులు ముందస్తు ప్రణాళికతో సాగు చేపట్టాలని జానకిరాములు పేర్కొన్నారు.