Dhruv Jurel : రాజ్కోట్ టెస్టుతో సుదీర్ఘ ఫార్మాట్లో అరంగేట్రం చేసిన ధ్రువ్ జురెల్(Dhruv Jurel) అదరహో అనిపించాడు. జట్టు ఆలౌట్ ప్రమాదంలో పడిన సమయంలో విలువైన ఇన్నింగ్స్ ఆడి కెప్టెన్, సెలెక్టర్లు తనపై పెట్టుకున్న నమ్మకాన్ని నిలబెట్టాడు. సినియర్ ఆల్రౌండర్ రవిచంద్రన్ అశ్విన్(R Ashwin)తో కలిసి భారత్ స్కోర్ 400 దాటించాడు. అయితే.. హాఫ్ సెంచరీకి 4 పరుగుల దూరంలో వికెట్ పారేసుకున్నాడు.
రెహాన్ అహ్మద్ బౌలింగ్లో భారీ సిక్సర్ బాదిన జురెల్.. ఆ తర్వాత వికెట్ కీపర్ బెన్ ఫోక్స్ చేతికి చిక్కాడు. అయితేనేం పలు రికార్డులను ఈ యంగ్స్టర్ బ్రేక్ చేశాడు. అరంగేట్రం మ్యాచ్ ఒక ఇన్నింగ్స్లో మూడు సిక్సర్లు బాదిన రెండో భారత ఆటగాడిగా జురెల్ రికార్డు నెలకొల్పాడు. 2017లో శ్రీలంకపై హార్దిక్ పాండ్యా(Hardhik Pandya) మూడు సిక్సర్లు బాదాడు.
He narrowly missed out on a fifty…
…but that was a fine knock on Test debut from Dhruv Jurel 👌 👌
Follow the match ▶️ https://t.co/FM0hVG5pje#TeamIndia | #INDvENG | @IDFCFIRSTBank pic.twitter.com/So2Ztv8GiB
— BCCI (@BCCI) February 16, 2024
అరంగేట్రం మ్యాచ్లో ఒక ఇన్నింగ్స్లో అత్యధిక పరుగులు చేసిన మూడో వికెట్కీపర్గా జురెల్ మరో రికార్డు తన పేరిట లిఖించుకున్నాడు. ఈ జాబితాలో కేఎల్ రాహుల్(KL Rahul) 101 రన్స్తో అగ్రస్థానంలో ఉండగా.. దిల్వార్ హుసేన్ 59 పరుగులతో రెండో స్థానంలో నిలిచాడు.
కేఎల్ రాహుల్
నయిన్ మోంగియా 44 పరుగులతో నాలుగో స్థానం దక్కించుకున్నాడు. నిరుడు దక్షిణాఫ్రికా పర్యటనలో టెస్టు అరంగేట్రం చేసిన రాహుల్.. సెంచూరియన్లో సెంచరీ బాది దిల్వర్ రికార్డును బ్రేక్ చేశాడు. దిల్వర్ 1934లో ఇంగ్లండ్పై 59 రన్స్ చేశాడు.
Nerveless Jurel 🥶#INDvENG #JioCinemaSports #BazBowled #IDFCFirstBankTestSeries pic.twitter.com/nYn053BM5I
— JioCinema (@JioCinema) February 16, 2024
పదిహేను ఫస్ట్ క్లాస్ మ్యాచ్ల అనుభవమే ఉన్న జురెల్.. రాజ్కోట్లో అండర్సన్, మార్క్ వుడ్ వంటి పేసర్లను సమర్థంగా ఆడాడు. తొలి రెండు టెస్టుల్లో విఫలమైన శ్రీకర్ భరత్ స్థానంలో జట్టులోకి వచ్చిన జురెల్ విలువైన ఇన్నింగ్స్ ఆడాడు. 331 పరుగుల వద్ద క్రీజులోకి వచ్చిన జురెల్ .. అశ్విన్తో కలిసి ఎనిమిదో వికెట్కు 77 రన్స్ జోడించాడు. మార్క్ వుడ్ బౌలింగ్లో అప్పర్ కట్ సిక్సర్ బాదిన ఈ యువ కెరటం.. రూట్, హర్ట్లే, రెహాన్లను సమర్థంగా ఎదుర్కొన్నాడు. అతడి పట్టుదల చూస్తే.. హాఫ్ సెంచరీ కొడతాడనిపించింది. కానీ, రెహాన్ సూపర్ డెలివరీతో జురెల్ డెబ్యూ ఫిఫ్టిని అడ్డుకున్నాడు.