Corona Effect : మాల్దీవుల్లోకి భారత పర్యాటకులకు నో ఎంట్రీ
Corona Effet : మాల్దీవుల్లోకి భారత పర్యాటకులకు నో ఎంట్రీ | భారత్‌లో రెండో దశలో కరోనా విజృంభిస్తోంది. దీంతో రోజువారీ కేసులు భారీగా పెరుగుతున్నాయి. ఈ క్రమంలో ఇప్పటికే పలు దేశాలు భారత్‌పై ఆంక్షలు విధించాయి.
మాలే : భారత్‌లో రెండో దశలో కరోనా విజృంభిస్తోంది. దీంతో రోజువారీ కేసులు భారీగా పెరుగుతున్నాయి. ఈ క్రమంలో ఇప్పటికే పలు దేశాలు భారత్‌పై ఆంక్షలు విధించాయి. తాజాగా మాల్దీవులు ప్రభుత్వం సైతం కీలకం నిర్ణయం తీసుకుంది. భారత్‌ సహా దక్షిణ ఆసియా నుంచి వచ్చే పర్యాటకుల వీసాలు తాతాలిక నిలిపివేస్తున్నట్లు ప్రకటించింది. ఈ నెల 13 నుంచి ఆంక్షలు అమలులోకి వస్తాయని, అన్ని రకాల వీసాలకు వర్తిస్తుందని చెప్పింది. గత 14 రోజుల్లో దక్షిణ ఆసియా దేశాల్లో పర్యటించిన ఇతర దేశాల పర్యాటకులకు సైతం ఈ నిబంధనలు వర్తిస్తాయని ప్రభుత్వం పేర్కొంది. తదుపరి ఉత్తర్వులు వెలువడే వరకు నిషేధం అమలులో ఉంటుందని మాల్దీవులు ఇమ్మిగ్రేషన్‌ ట్వీట్‌ చేసింది. ఈ నిషేధంపై మాల్దీవుల్లోని హైకమిషన్‌ ఆఫ్‌ ఇండియా స్పందించింది. మాల్దీవులు నిర్ణయం ఇరుదేశాల మధ్య విమాన రాకపోకలపై ప్రభావం చూపే అవకాశం ఉందని, అందువల్ల ఇక్కడ ఉన్న భారతీయులు స్వదేశానికి వెళ్లేందుకు తగిన ఏర్పాట్లు చేయాలని రాయబార కార్యాలయం సూచించింది.
ఇవికూడా చదవండి..
గాజాపై ఇజ్రాయెల్‌ వైమానిక దాడులు
ఆక్సిజన్‌ అందక నాలుగు గంటల్లో 26 మంది మృతి
18 రాష్ట్రాలకు నేరుగా ‘కొవాగ్జిన్‌’ సరఫరా : భారత్‌ బయోటెక్‌
కరోనా ఇండియన్‌ వేరియంట్‌ 44 దేశాల్లో గుర్తింపు : WHO
బాదుడే బాదుడు.. మూడో రోజూ పెట్రోల్‌, డీజిల్‌ ధరల పెంపు
రాష్ట్రంలో అమలులోకి వచ్చిన లాక్‌డౌన్‌
కరోనా ఎఫెక్ట్‌.. 31 రైళ్లు రద్దు చేసిన రైల్వే
Read Today's Latest News News in Telugu and Telugu News
- Follow Us :
-
