చెరో ఆర్చర్స్‌కు మూడో విజయం

ఆర్చరీ ప్రీమియర్‌ లీగ్‌ (ఏపీఎల్‌) రెండో సీజన్‌లో చెరో ఆర్చర్స్‌ మూడో విజయాన్ని నమోదుచేసింది.

హైదరాబాద్‌, ఆట ప్రతినిధి: ఆదివారం జరిగిన పోరులో ఆ జట్టు.. 6-0తో కాకతీయ నైట్స్‌ను ఓడించింది. అతాను దాస్‌ ఆ జట్టు విజయంలో కీలకపాత్ర పోషించాడు. కాగా చెరోకు ఇది గత నాలుగు మ్యాచుల్లో ఇది మూడో విజయం కావడం గమనార్హం. మరో పోరులో పృథ్వీరాజ్‌ యోధాస్‌ 6-2తో చోళా చీఫ్స్‌ను మట్టికరిపించగా మూడో మ్యాచ్‌లో మైటీ మారాఠాస్‌ జట్టు 5-3తో డిఫెండింగ్‌ చాంపియన్‌ రాజ్‌పుతానా రాయల్స్‌కు షాకిచ్చింది.

ఆదివారం జరిగిన మూడు మ్యాచ్‌లలో ఉత్తమ రికర్వ్‌ ఆర్చర్లు (లక్ష నగదు బహుమతి)గా అతాను, రాయల్స్‌ ఆర్చర్‌ అంకిత ఎంపికవగా కాంపౌండ్‌ విభాగంలో కుషాల్‌, గిబ్సన్‌ నిలిచారు.