నేడు ఢిల్లీలో కాంగ్రెస్‌ ఆందోళన

సర్‌ అవకతవకల నేపథ్యంలో సీఈసీ రాజీనామా చేయాలని డిమాండ్‌ చేస్తూ కాంగ్రెస్‌ పార్టీ సోమవారం ఢిల్లీలో నిరసన చేపట్టనుంది. ఈ నేపథ్యంలో హస్తినకు రావాలని పార్టీ శ్రేణులకు పిలుపునిచ్చింది.

న్యూఢిల్లీ/హైదరాబాద్‌, అక్టోబర్‌ 11 : సర్‌ అవకతవకల నేపథ్యంలో సీఈసీ రాజీనామా చేయాలని డిమాండ్‌ చేస్తూ కాంగ్రెస్‌ పార్టీ సోమవారం ఢిల్లీలో నిరసన చేపట్టనుంది. ఈ నేపథ్యంలో హస్తినకు రావాలని పార్టీ శ్రేణులకు పిలుపునిచ్చింది. పార్టీకి చెందిన ముఖ్యమంత్రులు, మంత్రులు, ఎంపీలు, ఎమ్మెల్యేలు, ఏఐసీసీ, పీసీసీ, ఇతర ప్రజాప్రతినిధులు, నేతలు ఢిల్లీకి రావాలని కోరింది.

దీంతో తెలంగాణ ముఖ్యమంత్రి రేవంత్‌ రెడ్డి సహా పలువురు కాంగ్రెస్‌ నేతలు ఆదివారం రాత్రి ఢిల్లీకి బయలుదేరారు. శంషాబాద్‌ ఎయిర్‌పోర్ట్‌ నుంచి ఢిల్లీకి ప్రత్యేక విమానంలో వీరంతా వెళ్లారు. వీరంతా సోమవారం ఢిల్లీలో జరిగే నిరసన కార్యక్రమంలో పాల్గొననున్నారు.