Visit:
KTR | హైద‌రాబాద్ : ఫార్ములా – ఈ కార్ రేసులో కేసు న‌మోదుపై బీఆర్ఎస్ వ‌ర్కింగ్ ప్రెసిడెంట్, సిరిసిల్ల ఎమ్మెల్యే కేటీఆర్ శాస‌న‌స‌భా వేదిక‌గా స్పందించారు. ఫార్ములా – ఈ కార్ రేసింగ్‌పై అసెంబ్లీలో చ‌ర్చ‌కు పెడితే.. స‌మాధానం చెప్పేందుకు రెడీగా ఉన్న‌ట్లు కేటీఆర్ స్ప‌ష్టం చేశారు.
శాస‌న‌స‌భ స‌మావేశాలు జ‌రుగుతున్న సంద‌ర్భంగా మిమ్మ‌ల్ని, ప్ర‌భుత్వాన్ని కోరుతున్నాను. నిజంగా ఈ ప్రభుత్వానికి చిత్తశుద్ధి, ధైర్యం ఉంటే, ప్ర‌జ‌ల‌కు వాస్త‌వాలు తెలియ‌జేయాల‌నే చిత్తశుద్ధి ఉంటే, ఈ రేసులో ఏదో కుంభ‌కోణం జ‌రిగింద‌ని అంటున్నారు క‌దా..? దాని మీద చర్చ పెట్టండి. మొత్తం స‌మాధానం చెప్పేందుకు తాను సిద్ధంగా ఉన్నాన‌ని మీ ద్వారా ప్రభుత్వానికి తెలియ‌జేస్తున్నాను అని కేటీఆర్ స్ప‌ష్టం చేశారు.
ఫార్ములా-ఈ కార్ రేసింగ్‌పై ఏసీబీ కేసు నమోదు చేసిన సంగ‌తి తెలిసిందే. బీఆర్ఎస్ వ‌ర్కింగ్ ప్రెసిడెంట్ కేటీఆర్‌ను ఏ1గా, ఐఏఎస్ ఆఫీస‌ర్ అర‌వింద్ కుమార్‌ను ఏ2గా పేర్కొంటూ ఎఫ్ఐఆర్ నమోదు చేసిన‌ట్లు ఏసీబీ అధికారులు తెలిపారు. ఓ ప్ర‌యివేటు కంపెనీ సీఈవో బీఎల్ఎన్ రెడ్డిని కూడా నిందితుల జాబితాలో చేర్చారు ఏసీబీ అధికారులు.
కేటీఆర్‌పై విచార‌ణ జ‌రిపేందుకు గ‌వ‌ర్న‌ర్ జిష్ణుదేవ్ వ‌ర్మ ఇటీవ‌ల అనుమ‌తించిన సంగ‌తి తెలిసిందే. గ‌వ‌ర్న‌ర్ అనుమ‌తితో త‌దుప‌రి చ‌ర్యల‌కు కాంగ్రెస్ స‌ర్కార్ ఉప‌క్ర‌మించింది. ప్రభుత్వ నిధులు దుర్వినియోగం చేశారని కేటీఆర్‌పై అభియోగం మోపారు. కేటీఆర్‌పై 4 సెక్షన్లు.. 13(1)A, 13(2)పీసీ యాక్ట్‌, 409, 120B కింద కేసు నమోదు చేసింది ఏసీబీ.
ఈ ప్రభుత్వానికి చిత్తశుద్ధి ఉంటే ఫార్ములా-ఈ రేస్ మీద అసెంబ్లీలో చర్చ పెట్టండి.. దాని మీద మొత్తం సమాధానాలు చెప్పడానికి నేను రెడీ – కేటీఆర్ https://t.co/6dYSzueeOa pic.twitter.com/s2HknUXfIm
— Telugu Scribe (@TeluguScribe) December 19, 2024
ఇవి కూడా చ‌ద‌వండి..
KTR | ఫార్ములా-ఈ కార్ రేసింగ్‌పై ఏసీబీ కేసు నమోదు.. ఏ1గా కేటీఆర్
SSC Exams | తెలంగాణ‌లో మార్చి 21 నుంచి ప‌దో త‌ర‌గ‌తి ప‌రీక్ష‌లు
