Jailer 2 | ‘జైలర్ 2’లో బాలీవుడ్ బ్యూటీ విద్యాబాలన్.. ‘కాంత’గా మాస్ ఎంట్రీ!

Vidya Balan | సూపర్‌స్టార్ రజనీకాంత్, టాలెంటెడ్ దర్శకుడు నెల్సన్ దిలీప్‌కుమార్ కాంబినేషన్‌లో తెరకెక్కుతున్న మోస్ట్ అవేటెడ్ సీక్వెల్ 'జైలర్ 2' నుంచి మేకర్స్ అదిరిపోయే అప్‌డేట్ ఇచ్చారు.

Vidya Balan | సూపర్‌స్టార్ రజనీకాంత్, టాలెంటెడ్ దర్శకుడు నెల్సన్ దిలీప్‌కుమార్ కాంబినేషన్‌లో తెరకెక్కుతున్న మోస్ట్ అవేటెడ్ సీక్వెల్ ‘జైలర్ 2’ నుంచి మేకర్స్ అదిరిపోయే అప్‌డేట్ ఇచ్చారు. సన్ పిక్చర్స్ నిర్మిస్తున్న ఈ పాన్-ఇండియా చిత్రంపై ఇప్పటికే భారీ అంచనాలు ఉండగా, తాజాగా విడుదలైన ఒక క్యారెక్టర్ గ్లింప్స్ వీడియో సోషల్ మీడియాలో విపరీతంగా ట్రెండ్ అవుతోంది. ఈ చిత్రంలో ప్రముఖ నటి విద్యాబాలన్ అత్యంత శక్తిమంతమైన ‘కాంత’ అనే పాత్రలో నటిస్తున్నట్లు అధికారికంగా ప్రకటించారు. విడుదలైన ఆమె ఫస్ట్ లుక్ టీజర్‌లో విద్యాబాలన్ స్క్రీన్ ప్రెజెన్స్ చాలా స్టైలిష్‌గా ఉంది. నీలిరంగు చీర, నలుపు రంగు జాకెట్‌లో మెట్లపై నుంచి ఆమె నడుచుకుంటూ వచ్చిన తీరు, గంభీరమైన లుక్స్ ప్రేక్షకులను విశేషంగా ఆకట్టుకుంటున్నాయి.

చివర్లో ఆమె చెప్పిన పదునైన డైలాగ్ సినిమాపై అంచనాలను మరింత పెంచింది. అనిరుధ్ రవిచందర్ అందించిన బ్యాక్‌గ్రౌండ్ మ్యూజిక్ ఈ టీజర్‌ను మరో స్థాయికి తీసుకెళ్లింది. కేవలం గ్లామర్ పాత్ర కాకుండా, కథను మలుపు తిప్పే ఒక పవర్‌ఫుల్ మరియు మాస్ పాత్రలో విద్యాబాలన్ కనిపించబోతున్నారు. రజనీకాంత్ యాక్షన్‌కు దీటుగా ఆమె నటన ఎలా ఉండబోతుందోనని అభిమానులు ఎదురుచూస్తున్నారు. ఈ చిత్రంలో ఎస్.జె. సూర్య, మిథున్ చక్రవర్తి, సూరజ్ వెంజరమూడు తదితరులు నటిస్తుండగా, రమ్యకృష్ణన్, యోగి బాబు మొదటి భాగంలోని తమ పాత్రలనే కొనసాగిస్తున్నారు. భారీ తారాగణంతో రూపుదిద్దుకుంటున్న ఈ హై-వోల్టేజ్ యాక్షన్ ఎంటర్‌టైనర్ ప్రపంచవ్యాప్తంగా అక్టోబర్ 15న థియేటర్లలో గ్రాండ్‌గా విడుదల కానుంది.