జ‌న గ‌ణ‌న‌పై పంచాయతీ కార్యదర్శులకు అవగాహన

చుంచుపల్లి మండలంలోని పంచాయతీ కార్యదర్శులు, అధికారులకు సెన్సెస్ (జనగణన) నిర్వహణపై చుంచుపల్లి మండల పరిషత్ కార్యాలయంలో ఎంపీడీవో సుభాషిణి ఆధ్వర్యంలో శనివారం అవగాహన కార్యక్రమం నిర్వహించారు. ఈ సందర్భంగా ప్రజలు స్వయంగా వివరాలను నమోదు...

చుంచుపల్లి, అక్టోబర్ 31 : చుంచుపల్లి మండలంలోని పంచాయతీ కార్యదర్శులు, అధికారులకు సెన్సెస్ (జనగణన) నిర్వహణపై చుంచుపల్లి మండల పరిషత్ కార్యాలయంలో ఎంపీడీవో సుభాషిణి ఆధ్వర్యంలో శనివారం అవగాహన కార్యక్రమం నిర్వహించారు. ఈ సందర్భంగా ప్రజలు స్వయంగా వివరాలను నమోదు చేసుకునేలా (సెల్ఫ్ ఎన్యూమరేషన్) అవగాహన కల్పించాలని కార్యదర్శులు, అధికారులకు సూచించారు.
అదేవిధంగా ఎల్‌నినో ప్రభావం నేపథ్యంలో ఎదురయ్యే పరిస్థితులను సమర్థవంతంగా ఎదుర్కొనేందుకు ముందస్తు ప్రణాళికతో సిద్ధంగా ఉండాలని తెలిపారు. వీబీ-జీ రామ్‌జీ పథకం ద్వారా వివిధ శాఖల మధ్య సమన్వయం సాధిస్తూ పనులను ప్రణాళికాబద్ధంగా ముందుకు తీసుకెళ్లాలని పంచాయతీ అధికారులకు సూచించారు. ఈ కార్యక్రమంలో తాసీల్దార్ నాగరాజు, ఎంపీఓ సంధ్య, ఏఓ రాజేశ్వరి, ఆర్‌డబ్ల్యూఎస్ అధికారులు, మండలంలోని పంచాయతీ కార్యదర్శులు పాల్గొన్నారు.