ఢిల్లీలో కరోనా పంజా.. సీఎం అత్యవసర సమావేశం

అత్యవసర సమావేశం | దేశ రాజధాని ఢిల్లీలో గురువారం కొత్తగా 2,790 కొవిడ్‌ కేసులు నమోదయ్యాయి. కేసుల పెరుగుదలతో ముఖ్యమంత్రి కేజ్రీవాల్‌ అప్రమత్తమయ్యారు.

న్యూఢిల్లీ : దేశ రాజధాని ఢిల్లీలో గురువారం కొత్తగా 2,790 కొవిడ్‌ కేసులు నమోదయ్యాయి. కేసుల పెరుగుదలతో ముఖ్యమంత్రి కేజ్రీవాల్‌ అప్రమత్తమయ్యారు. శుక్రవారం ఆరోగ్యశాఖ మంత్రి, ఇతర అధికారులను అత్యవసర సమావేశానికి పిలిచారు. ఈ విషయాన్ని సీఎం కార్యాలయం వెల్లడించింది. ఈ ఏడాదిలో తొలిసారిగా భారీగా కొవిడ్‌ కేసులు రికార్డయ్యాయి. అంతకు ముందు రోజు ఢిల్లీలో 1,819 కేసులు నమోదవగా.. గురువారం ఒకే రోజు 53శాతం పెరిగాయి. ఈ క్రమంలో సమావేశంలో సీఎం కేజ్రీవాల్‌ మహమ్మారిపై కార్యాచరణ ప్రణాళికను సిద్ధం చేయనున్నారు. కంటైన్‌మెంట్‌ జోన్లు, టీకా డ్రైవ్‌, హాస్పిటళ్లలో అందుబాటులో ఉన్న పడకలపై సమీక్షించనున్నారు.

ఇవి కూడా చదవండి..

అలియాభట్‌కు కరోనా పాజిటివ్‌

ఐదు రైల్వే మార్గాల్లో విద్యుదీకరణ పూర్తి

ఖమ్మంలో అభివృద్ధి పనులను ప్రారంభించనున్న మంత్రి కేటీఆర్‌