Madhya Pradesh | బీజేపీ పాలిత మధ్యప్రదేశ్‌లో ఘోరం.. అంబులెన్స్‌ లేక.. రోడ్డుపైనే ప్రసవం
సకాలంలో అంబులెన్స్‌ రాక నిండు గర్భిణికి రోడ్డు పక్కనే ప్రసవం చేయాల్సిన దుస్థితి బీజేపీ పాలిత మధ్యప్రదేశ్‌లో నెలకొంది. ఒక పక్క వణికించే చలి.. మరో పక్క చిమ్మ చీకటి. మినుకుమినుకుమంటున్న టార్చిలైట్‌ వెలుగులో, చిరుగుల టార్పాలిన్‌ను మరుగుగా ఉంచిన దుస్థితిలో ఆ మహిళ రోడ్డు పక్కన బిడ్డకు జన్మనిచ్చింది.
- వైద్య సౌకర్యాలున్న చోట చీకట్లో ఘటన
- బీజేపీ పాలిత మధ్యప్రదేశ్‌లో ఘోరం
భోపాల్‌: సకాలంలో అంబులెన్స్‌ రాక నిండు గర్భిణికి రోడ్డు పక్కనే ప్రసవం చేయాల్సిన దుస్థితి బీజేపీ పాలిత మధ్యప్రదేశ్‌లో నెలకొంది. ఒక పక్క వణికించే చలి.. మరో పక్క చిమ్మ చీకటి. మినుకుమినుకుమంటున్న టార్చిలైట్‌ వెలుగులో, చిరుగుల టార్పాలిన్‌ను మరుగుగా ఉంచిన దుస్థితిలో ఆ మహిళ రోడ్డు పక్కన బిడ్డకు జన్మనిచ్చింది.
ఘటన ఆ రాష్ట్ర వైద్య ఆరోగ్య సేవల దుస్థితిని వెల్లడించింది. మూడు గంటలు వేచి చూసినా అంబులెన్స్‌ను కూడా పంపలేని అధికారుల నిర్లక్ష్యాన్ని ఎత్తిచూపింది. ఆధునిక వైద్య సదుపాయాలున్న విదిశ జిల్లాలో ఈ ఘటన చోటుచేసుకుంది. రోడ్డు పక్కనే చలిలో, టార్పాలిన్‌ను అడ్డుగా కట్టి ఆ మహిళకు ప్రసవం చేశారు. ప్రసవం తర్వాత కూడా ఆ బాలింత, నవజాత శిశువు చలిలోనే రెండు మూడు గంటలు గడపాల్సిన దుస్థితి ఏర్పడింది.
Read Today's Latest National News in Telugu and Telugu News
- Follow Us :
-
