న్యూఢిల్లీ : చాట్జీపీటీ వంటి ఆర్టిఫిషియల్ ఇంటెలిజెన్స్ (ఏఐ) టూల్పై టెక్ ప్రపంచంలో హాట్ డిబేట్ సాగుతుండగా ఏఐ ఆవిష్కరణకు 59 ఏండ్ల కిందటే బీజం పడింది. ప్రముఖ ఫిక్షన్ రచయిత ఆర్ధర్ సీ క్లార్క్ 59 ఏండ్ల కిందటే ఏఐని ఊహించిన వీడియో (viral Video) తాజాగా సోషల్ మీడియాలో వైరల్ అవుతోంది. బీబీసీ టెలికాస్ట్ చేసిన ఫీచర్లో ఫిక్షన్ రచయిత క్లార్క్ ఏఐపై అప్పట్లోనే అంచనా వేశారు.
Arthur C. Clarke about the future of AI.
—21 September 1964[source, BBC Archive: https://t.co/u9RpXTrztK]pic.twitter.com/rccfoQlv42
— Massimo (@Rainmaker1973) March 26, 2023
ఈ వీడియో ట్విట్టర్ బాస్, బిలియనీర్ ఎలన్ మస్క్ దృష్టినీ ఆకర్షించింది. ఈ వైరల్ వీడియోను తొలుత మసీమో అనే యూజర్ ట్విట్టర్లో షేర్ చేయగా మస్క్ రీట్వీట్ చేశారు. నిమిషం నిడివి కలిగిన ఈ వైరల్ క్లిప్లో ఆర్ధర్ క్లార్క్ భవిష్యత్ గురించి ప్రస్తావిస్తూ మనుషులు, కోతుల కంటే యంత్రాలు అత్యంత తెలివైన నివాసులుగా మారతాయని అంచనా వేయడం కనిపిస్తుంది. అవి (మెషీన్స్) ఆలోచించడం ప్రారంభిస్తాయి..
వాటిని సృష్టించిన వారినే పూర్తిగా అధిగమించేలా ఆలోచనా శక్తిని కలిగిఉంటాయని క్లార్క్ ఈ వీడియోలో చెబుతారు. మనం ఇప్పుడు వేయి రెట్లు వేగం పుంజుకోగల యాంత్రీకరణ పరిణామం ఆరంభంలో ఉన్నామని ఆయన వ్యాఖ్యానించారు. ఈ బీబీసీ ఫీచర్ 1964 సెప్టెంబర్ 21న ప్రసారమైంది. ఈ వీడియోను ఆన్లైన్లో షేర్ చేసినప్పటి నుంచి పది లక్షలు పైగా వ్యూస్ లభించాయి. ఈ క్లిప్పై ట్విట్టర్ యూజర్లు పెద్ద సంఖ్యలో స్పందించారు. క్లార్క్ జోస్యం కచ్చితత్వంతో కూడినదని ఓ యూజర్ రాసుకురాగా, మరో యూజర్ ఈ పరిణామం విచారకరమని వ్యాఖ్యానించారు. ఈ వీడియోను షేర్ చేసిన మస్క్ వీడియోకు దూరదృష్టి అని క్యాప్షన్ ఇచ్చారు.
Read More :