Venkaiah Naidu : విజయదశమి శుభాకాంక్షలు తెలిపిన వెంకయ్యనాయుడు

Venkaiah Naidu : విజయదశమి పర్వదినం సందర్భంగా దేశ ప్రజలందరికీ ఉపరాష్ట్రపతి వెంకయ్యనాయుడు హార్దిక శుభాకాంక్షలు..

October 14, 2021 / 06:06 PM IST

Venkaiah Naidu : విజయదశమి శుభాకాంక్షలు తెలిపిన వెంకయ్యనాయుడు

న్యూఢిల్లీ : (Venkaiah Naidu) విజయదశమి పర్వదినం సందర్భంగా దేశ ప్రజలందరికీ ఉపరాష్ట్రపతి వెంకయ్యనాయుడు హార్దిక శుభాకాంక్షలు తెలిపారు. భారతీయ సంస్కృతిని ప్రతిబింబించే దసరా పండుగ.. చెడుపై మంచి సాధించిన విజయానికి గుర్తు అని ఆయన అన్నారు. అంతేకాకుండా.. మర్యాద పురుషోత్తముడైన శ్రీరాముడి ఆదర్శవంతమైన జీవనాన్ని మనకు గుర్తుచేస్తుందని, వారు పాటించి చూపిన సన్మార్గంలో మనం కూడా పయనించేందుకు మార్గదర్శనం చేస్తుందన్నారు.

మనలోని చెడు ఆలోచనలను వదులుకుంటూ, సానుకూల దృక్పథంతో ముందుకెళ్లేందుకు దసరా పండుగ అందరి జీవితాల్లో శాంతి, సమరసతా, సమృద్ధి తీసుకురావాలని ఆకాంక్షిస్తున్నాను అని వెంకయ్యనాయుడు తన సందేశంలో పేర్కొన్నారు.