Dalit Student Shot Dead | యూపీలో దారుణం.. దళిత విద్యార్థినిపై కాల్పులు జరిపి హత్య
Dalit Student Shot Dead | వీడియో క్లిప్ సోషల్ మీడియాలో వైరల్ అయ్యింది. కాల్పుల్లో మరణించిన దళిత విద్యార్థిని రోహ్ని మృతదేహం పక్కనే గన్ కూడా పడి ఉన్నది. ఈ నేపథ్యంలో ఉత్తరప్రదేశ్లో అధికారంలో ఉన్న బీజేపీ ప్రభుత్వంపై నెటిజన్లు మండిపడ్డారు. యూపీలో శాంతిభద్రతల పరిస్థితిపై సీఎం యోగి ఆదిత్యనాథ్ను విమర్శించారు.
లక్నో: బీజేపీ పాలిత ఉత్తరప్రదేశ్లో కాల్పుల హత్యలు కొనసాగుతున్నాయి. తాజాగా దళిత విద్యార్థినిని ఇద్దరు వ్యక్తులు గన్తో కాల్పులు జరిపి హత్య (Dalit Student Shot Dead) చేశారు. పోలీస్ స్టేషన్ సమీపంలో ఇది జరుగడం కలకలం రేపింది. ఉత్తరప్రదేశ్లోని జలౌన్ జిల్లాలో ఈ సంఘటన జరిగింది. 21 ఏళ్ల రోష్ని అహిర్వార్, బీఏ రెండో ఏడాది చదువుతున్నది. సోమవారం ఉదయం జలౌన్లోని రామ్ లఖన్ పటేల్ మహావిద్యాలయానికి వెళ్లి పరీక్ష రాసింది. అనంతరం ఉదయం 11 గంటలకు కాలేజీ నుంచి ఇంటికి తిరిగి వస్తున్నది. ఇద్దరు వ్యక్తులు బైక్పై ఆమె వద్దకు వచ్చారు. ఒక వ్యక్తి దేశీయ తుపాకీతో రోహ్ని తలపై కాల్పులు జరిపాడు. దీంతో ఆమె రక్తం మడుగుల్లో పడి అక్కడికక్కడే చనిపోయింది.
కాగా, రోడ్డుపై ఉన్న వారు ఈ సంఘటన చూసి షాక్ అయ్యారు. విద్యార్థిని రోహ్నిపై గన్తో కాల్పులు జరిపిన వారిని పట్టుకునేందుకు ప్రయత్నించారు. అయితే నిందితులు తుపాకీని వారి మీదకు విసిరి అక్కడి నుంచి పారిపోయారు. స్థానిక పోలీస్ స్టేషన్కు 200 మీటర్ల దూరంలో ఈ సంఘటన జరుగడం స్థానికంగా కలకలం రేపింది.
మరోవైపు, కాల్పుల్లో తమ కుమార్తె చనిపోయిన సంగతి తెలుసుకుని దళిత విద్యార్థిని తల్లిదండ్రులు షాక్ అయ్యారు. రాజ్ అహిర్వార్ అనే వ్యక్తిపై వారు అనుమానం వ్యక్తం చేశారు. ఈ నేపథ్యంలో పోలీసులు అతడ్ని అరెస్ట్ చేసి ప్రశ్నిస్తున్నారు. విద్యార్థిని రోహ్నిని గన్తో కాల్చి చంపిన నిందితులను త్వరలో పట్టుకుంటామని పోలీస్ అధికారి తెలిపారు.
కాగా, ఈ వీడియో క్లిప్ సోషల్ మీడియాలో వైరల్ అయ్యింది. కాల్పుల్లో మరణించిన దళిత విద్యార్థిని రోహ్ని మృతదేహం పక్కనే గన్ కూడా పడి ఉన్నది. ఈ నేపథ్యంలో ఉత్తరప్రదేశ్లో అధికారంలో ఉన్న బీజేపీ ప్రభుత్వంపై నెటిజన్లు మండిపడ్డారు. యూపీలో శాంతిభద్రతల పరిస్థితిపై సీఎం యోగి ఆదిత్యనాథ్ను విమర్శించారు. గ్యాంగ్స్టర్ అతిక్ అహ్మద్, అతడి సోదరుడ్ని పోలీసుల సమక్షంలో మీడియా ఎదుటే ముగ్గురు వ్యక్తులు తుపాకులతో కాల్పులు జరిపి హత్య చేసిన రెండు రోజుల్లోనే ఈ సంఘటన జరుగడంపై మండిపడ్డారు.
బీహార్ ప్రభుత్వంలో భాగమైన రాష్ట్రీయ జనతా దళ్ (ఆర్జేడీ) కూడా ఈ వీడియో క్లిప్ను ట్విట్టర్లో షేర్ చేసింది. ఉత్తరప్రదేశ్లోని బీజేపీ ప్రభుత్వంపై ఆగ్రహం వ్యక్తం చేసింది. ‘ఈ చావుపై కూడా గోడీ మీడియా తోడేళ్లు, బీజేపీ సంబరాలు చేసుకుంటారా?’ అని ప్రశ్నించింది.
https://twitter.com/RJDforIndia/status/1647868593496018944?s=20
Also Read:
Watch: పారిశుద్ధ్య కార్మికులపై రెచ్చిపోయిన బీజేపీ నేత బంధువు.. గన్తో గాల్లోకి కాల్పులు
Tiger Terror | పులి సంచారంపై భయం భయం.. రాత్రి 7 నుంచి ఉదయం 6 వరకు కర్ఫ్యూ, స్కూళ్లు కూడా బంద్
Read Today's Latest National News in Telugu and Telugu News
RELATED ARTICLES
తాజా వార్తలు
‘మైనారిటీ విద్యార్థులకు ఉచిత నైపుణ్య శిక్షణ.. ఉపాధి అవకాశాలు’
‘వలసల నివారణే లక్ష్యం’
నెమ్మాది భిక్షంకు మాజీ మంత్రి జగదీశ్రెడ్డి పరామర్శ
Patnam Narender Reddy | అసమర్ధతను కప్పిపుచ్చుకునేందుకే కేసీఆర్ కుటుంబంపై తిట్ల రాజకీయాలు : మాజీ ఎమ్మెల్యే పట్నం నరేందర్ రెడ్డి
‘‘ప్రజా గర్జన – ఛలో హైదరాబాద్’ ని జయప్రదం చేయండి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

