Bus Accident: రెండు బ‌స్సులు ఢీకొని ఆరుగురు మృతి, 21 మందికి గాయాలు

Bus Accident: అమ‌ర్‌నాథ్ యాత్ర‌కు వెళ్లి తిరిగి స్వంత జిల్లాకు వ‌స్తున్న‌ ఓ బ‌స్సు మ‌రో బ‌స్సును ఢీకొట్టింది. ఈ ఘ‌ట‌న మ‌హారాష్ట్ర‌లోని బుల్దానాలో జ‌రిగింది. ఈ ప్ర‌మాదంలో ఆరుగురు మృతిచెందారు. మ‌రో 21 మంది తీవ్రంగా గాయ‌ప‌డ్డారు.

ముంబై: మ‌హారాష్ట్ర‌లోని బుల్దానాలో రెండు బ‌స్సులు(Bus Accident) ఢీకొన్నాయి. ఈ దుర్ఘ‌ట‌న‌లో ఆరుగురు మృతిచెందారు. మ‌రో 21 మంది గాయ‌ప‌డ్డారు. శుక్ర‌వారం రాత్రి 2.30 నిమిషాల స‌మ‌యంలో ఈ ప్ర‌మాదం జ‌రిగింది. మ‌ల్కాపూర్ ఏరియాలో ఉన్న నందూర్ నాకా ఫ్లైఓవ‌ర్ మీద ఈ ప్ర‌మాదం జ‌రిగింది. బాలాజీ ట్రావెల్స్‌కు చెందిన ఓ బ‌స్సు హింగోలి జిల్లాకు వెళ్తోంది. ఆ బ‌స్సులో అమ‌ర్‌నాథ్ నుంచి వ‌స్తున్న యాత్రికులు ఉన్నారు. రాయ‌ల్ ట్రావెల్స్ కంపెనీకి చెందిన మ‌రో బ‌స్సు నాసిక్ వెళ్తున్న‌ట్లు అధికారులు చెప్పారు.

Maharashtra | Six passengers dead, 21 injured in collision between two buses in Buldana early morning today pic.twitter.com/oDj2I6Mc19

— ANI (@ANI) July 29, 2023

బ‌స్సు ప్ర‌మాదంలో స్వ‌ల్పంగా గాయ‌ప‌డ్డ 32 మంది ప్ర‌యాణికుల‌కు స్వ‌ల్ప గాయాల‌య్యాయి. వారికి స్థానికంగా ఉన్న గురుద్వారాలో చికిత్స‌ను అందిస్తున్నారు. అయితే అమ‌ర్‌నాథ్ నుంచి తిరిగి వ‌స్తున్న బ‌స్సుకు చెందిన డ్రైవ‌ర్ ఈ ప్ర‌మాదంలో ప్రాణాలు కోల్పోయాడు. రోడ్డు మీద నుంచి బ‌స్సుల్ని తొల‌గించిన త‌ర్వాత మ‌ళ్లీ ట్రాఫిక్‌ను పున‌రుద్ద‌రించిన‌ట్లు హైవే పోలీసులు వెల్ల‌డించారు.

బుల్దానా జిల్లాలో ఇటీవ‌లే భారీ బ‌స్సు ప్ర‌మాదం జ‌రిగిన విష‌యం తెలిసిందే. జూలై ఒక‌టో తేదీన ఓ బ‌స్సులో అగ్నిప్రమాదం జ‌ర‌గ‌డంతో.. దాంట్లో ఉన్న 25 మంది ప్ర‌యాణికులు స‌జీవంగా సమాధి అయ్యారు. స‌మృద్ధి-మ‌హామార్గ్ ఎక్స్‌ప్రెస్‌పై ఆ ఘ‌ట‌న జ‌రిగింది.