Hardik Pandya: హార్దిక్ పాండ్యా స్వార్ధ‌ప‌రుడు.. తిల‌క్ వ‌ర్మ ఫ్యాన్స్ ఆగ్ర‌హం.. వీడియో

Hardik Pandya: తిల‌క్ వ‌ర్మ హాఫ్ సెంచ‌రీ పూర్తి కాకుండా హార్దిక్ పాండ్యా అడ్డుప‌డిన‌ట్లు విమ‌ర్శ‌లు వ‌స్తున్నాయి. విండీస్‌తో జ‌రిగిన మూడ‌వ టీ20లో .. సిక్స‌ర్‌తో పాండ్యా విన్నింగ్ షాట్ కొట్టాడు. అయితే వ‌ర్మ‌కు సింగిల్ తీసే ఛాన్స్ ఇవ్వ‌కుండా పాండ్యా భారీ షాట్ ఆడిన‌ట్లు నెటిజ‌న్లు వాపోతున్నారు. ఆన్‌లైన్‌లో తిల‌క్‌వ‌ర్మ ఫ్యాన్స్ పాండ్యాను ట్రోలింగ్ చేస్తున్నారు.

బార్బిడోస్‌:వెస్టిండీస్‌తో జ‌రిగిన మూడ‌వ టీ20 మ్యాచ్‌లో ఇండియా సునాయాసంగా విజ‌యం సాధించింది. తొలి రెండు టీ20 ఓడిన భార‌త జ‌ట్టు కీల‌క‌మైన మూడ‌వ మ్యాచ్‌లో రాణించింది. 160 ర‌న్స్ టార్గెట్‌తో బ‌రిలోకి దిగిన ఇండియా జ‌ట్టు మ‌రో రెండు ఓవ‌ర్లు మిగిలి ఉండ‌గానే ల‌క్ష్యాన్ని చేధించింది. కెప్టెన్ హార్దిక్ పాండ్యా (Hardik Pandya)కొట్టిన విన్నింగ్ షాట్‌పై తిల‌క్ వ‌ర్మ ఫ్యాన్స్ ఆగ్ర‌హం వ్య‌క్తం చేస్తున్నారు. పాండ్యా భారీ సిక్స‌ర్‌తో ఇండియా విక్ట‌రీ ఖాయ‌మైంది, అయితే ఆ స‌మ‌యంలో నాన్‌స్ట్ర‌యిక‌ర్ తిల‌క్ వ‌ర్మ 49 ర‌న్స్ వద్ద నాటౌట్‌గా ఉన్నాడు. ఒక్క ప‌రుగు తీస్తే అత‌నికి హాఫ్ సెంచ‌రీ పూర్తి అయ్యేది. కానీ 18 ఓవ‌ర్‌లో అయిదో బంతికి పాండ్యా సిక్స‌ర్ కొట్టాడు. దీంతో తిల‌క్ వ‌ర్మ హాఫ్ సెంచ‌రీ మిస్సైంది. ఈ నేప‌థ్యంలో తిల‌క్ అభిమానులు సోష‌ల్ మీడియాలో రెచ్చిపోతున్నారు. పాండ్యా స్వార్ధ‌ప‌రుడంటూ పోస్టులు చేస్తున్నారు.

https://twitter.com/lexicopedia1/status/1688986900101730310?s=20

 

https://twitter.com/katyxkohli17/status/1688971640343056389?s=20