Sound Pollution | ట్రాఫిక్‌ ధ్వనితో చికాకు మాత్రమే కాదు.. హృద్రోగ ముప్పు కూడా!

ట్రాఫిక్‌లో వాహనాల రొద, హారన్ల మోతతో చికాకు వస్తుంది. చికాకు మాత్రమే కాదు.. హృద్రోగ ముప్పునకు కూడా ట్రాఫిక్‌ ధ్వని కారణం అవుతున్నదని శాస్త్రవేత్తలు గుర్తించారు.

Sound Pollution | న్యూఢిల్లీ, ఏప్రిల్‌ 28: ట్రాఫిక్‌లో వాహనాల రొద, హారన్ల మోతతో చికాకు వస్తుంది. చికాకు మాత్రమే కాదు.. హృద్రోగ ముప్పునకు కూడా ట్రాఫిక్‌ ధ్వని కారణం అవుతున్నదని శాస్త్రవేత్తలు గుర్తించారు. ప్రతి 10 డెసిబుల్స్‌ ధ్వని పెరుగుదలతో చాలా మందిలో గుండెపోటు, మధుమేహం తదితర సమస్యలు 3.2 శాతం పెరుగుతున్నాయని తేల్చారు.

ఇకపై హృద్రోగాలకు ట్రాఫిక్‌ ధ్వని కూడా ఒక కారణంగా నిర్ణయించాల్సిన అవసరం ఉన్నదని జర్మనీకి చెందిన యూనివర్సిటీ మెడికల్‌ సెంటర్‌ మెయింజ్‌ పరిశోధకులు తెలిపారు. ముఖ్యంగా రాత్రిపూట ట్రాఫిక్‌ ధ్వని వల్ల నిద్రభంగం ఏర్పడి, రక్తనాళాల్లో ఒత్తిడి హార్మోన్లు పెరిగి రక్తపోటుకు కారణం అవుతున్నదని వివరించారు. ఈ అధ్యయనాన్ని దృష్టిలో ఉంచుకొని అధికార యంత్రాంగం రోడ్డు, రైలు, విమాన ట్రాఫిక్‌ ధ్వనిని నియంత్రించేలా చర్యలు చేపట్టాలని సూచించారు.