Firecrackers | జర పైలం.. పటాకులు కాల్చేటప్పుడు ఈ జాగ్రత్తలు తీసుకోండి

Firecrackers | దీపావళి (Diwali).. వెలుగుల పండుగ. ఈ పండుగ వచ్చిందంటే చాలు చిన్నారులతోపాటూ పెద్దల్లోనూ ఉత్సాహం రెట్టింపు అవుతుంది.

Firecrackers | దీపావళి (Diwali).. వెలుగుల పండుగ. ఈ పండుగ వచ్చిందంటే చాలు చిన్నారులతోపాటూ పెద్దల్లోనూ ఉత్సాహం రెట్టింపు అవుతుంది. రెండు రోజుల ముందు నుంచే ఇంటిని అలంకరించడం, దీపాలను వెలిగించడంలో పెద్దలు బిజీగా ఉంటే.. చిన్నారులు మాత్రం పటాకులు (Firecrackers) కాల్చడంలో బిజీగా ఉంటారు.

ఈ పండుగ జీవితాల్లో వెలుగులు నింపాలి.. కానీ నిర్లక్ష్యం, చిన్నపాటి తప్పిదాలతో ఎన్నో కుటుంబాల్లో విషాదం నెలకొంటూ ఉంటుంది. పటాకులు కాల్చేటప్పుడో, దీపాలు వెలిగించేటప్పుడో అనుకోకుండా ప్రమాదాలబారిన పడుతుంటారు. ఈ క్రమంలో ఒక్కోసారి కంటి చూపును కూడా కోల్పోయిన ఘటనలు మనం అనేకం చూశాం. చిన్నపాటి జాగ్రత్తలు, అప్రమత్తతో దీపావళిని ఆనందోత్సాహాలతో జరుపుకోవాలంటూ.. ప్రజలకు సూచిస్తున్నారు కంటి వైద్యనిపుణులు. ఈ దీపావళి సమయంలో ప్రజలు, చిన్నారులు జాగ్రత్తలు పాటించి, ఆనందంగా పండుగను జరుపుకోవాలని విజ్ఞప్తి చేస్తున్నారు.

జాగ్రత్తలివి..

• మైదానాలు, ఖాళీ స్థలాల్లో మాత్రమే పటాకులు కాల్చాలి.
• పిల్లలు పటాకులు కాల్చే సమయంలో పెద్దవారు కచ్చితంగా వెంట ఉండాలి.
• పిల్లలను ఒంటరిగా పటాకులను కాల్చనివ్వద్దు.
• పటాకులను కాల్చే సమయంలో కండ్లకు ప్రొటెక్టడ్‌ గ్లాసెస్‌ను పెట్టుకోవడం ఉత్తమం.
• దీపాలకు దగ్గరగా పటాకులను పెట్టరాదు.
• పొడవైన పూల చెడితో మాత్రమే పటాకులను పేల్చడం చేయాలి.
• పటాకులను నేరుగా అగ్గి పుల్లతో లేదా కాగితాలతో అంటించడం ప్రమాదకరం.
• కాల్చిన వెంటనే పటాకుల వద్ద వెళ్లి చూడొద్దు. అవి కొన్నిసార్లు పేలిపోవడం వల్ల ప్రమాదం జరగొచ్చు.
• తారాజువ్వలు, రాకెట్లు, చిచ్చుబుడ్లు వంటివి పైన రంగుల వెలుగులు వెదజల్లుతున్న సమయంలో వాటిని పైకి ముఖం పెట్టి చూడకూడదు. అలా చేయడం వల్ల వాటి నుంచి వెలువడే నిప్పురవ్వలు కండ్లలో పడి చూపు దెబ్బతినే ప్రమాదమున్నది
  నాణ్యమైన, గుర్తింపు గల కంపెనీలకు చెందిన పటాకులను మాత్రమే కొనుగోలు చేయాలి.
• చిచ్చుబుడ్లు, రాకెట్లు, ఫూల చడీలను వెలిగించే సమయంలో వాటిని తలకు దూరంగా పెట్టి వెలిగించాలి.కాలిపోయిన వెంటనే వాటికి దగ్గరగా ముఖం పెట్టి చూడటం చాలా ప్రమాదకరం.
• పెట్రోల్‌ బంక్‌లు, గ్యాస్‌ డిపోలు, గుడిసెలు, తాటిపత్రాలతో కట్టిన దుకాణాలు, మండే సామర్థ్యం గల దుకాణాలు, ఇతర కేంద్రాల వద్ద పటాకులను కాల్చరాదు.
• ముందుజాగ్రత్తగా దగ్గరలో కనీసం రెండు బక్కెట్ల నీటిని అందుబాటులో పెట్టుకోవాలి.
• చిన్నచిన్న కాలిన గాయాలు జరిగిన వెంటనే గాయంపై నీటిని పోయాలి. ఒంటికి మంటలు అంటుకున్న సందర్భంలో శుభ్రమైన కాటన్‌ బెడ్‌షీట్‌, దుప్పటితో బాధితులకు మంటలను ఆర్పివేసి ఆస్పత్రికి తరలించాలి.

Also Read..

పరిమితిలోనే స్వేచ్ఛకు విలువ

అష్ట ప్రకృతులే అష్టపత్నులు

Karwa Chauth | కోడలి కోసం అత్తగారి ప్రత్యేక వంటకం.. కర్వాచౌత్‌ విశేషాలు..