Viral Video | చివ‌రి మ‌జిలీలో చిన్న పిల్ల‌ల్లా మారి.. : 1954 బ్యాచ్ రీయూనియ‌న్‌లో కేరింత‌లు..!

వ‌య‌సు శ‌రీరానికే కానీ మ‌న‌సుకు కాద‌ని అస‌లు వ‌య‌సు కేవ‌లం ఓ నెంబ‌ర్ మాత్ర‌మేన‌ని వారు మ‌రోసారి నిరూపించారు. 1954 బ్యాచ్ స్కూల్ విద్యార్ధులు రీయూనియ‌న్‌లో (Viral Video) ఆట‌పాట‌ల‌తో సంద‌డి చేశారు.

న్యూఢిల్లీ : వ‌య‌సు శ‌రీరానికే కానీ మ‌న‌సుకు కాద‌ని అస‌లు వ‌య‌సు కేవ‌లం ఓ నెంబ‌ర్ మాత్ర‌మేన‌ని వారు మ‌రోసారి నిరూపించారు. 1954 బ్యాచ్ స్కూల్ విద్యార్ధులు రీయూనియ‌న్‌లో (Viral Video) ఆట‌పాట‌ల‌తో సంద‌డి చేశారు. ఈ సెల‌బ్రేష‌న్స్ వీడియో ప్ర‌స్తుతం నెట్టింట సంద‌డిగా మారింది. ఈ కార్య‌క్ర‌మంలో అప్ప‌టి విద్యార్ధులు జీనా ఇసీ కా నామ్ హై పాట‌కు హుషారైన స్టెప్స్‌తో హోరెత్తించారు.

People who passed out of school in 1954, have a get together. Nostalgia is surely a privilege. pic.twitter.com/wZ5EzJdW6D

— Gabbar (@GabbbarSingh) June 12, 2023

గ‌బ్బ‌ర్ అనే యూజ‌ర్ ఈ వీడియోను ట్విట్ట‌ర్‌లో షేర్ చేశారు. ఈ క్లిప్‌లో కొంద‌రు వృద్ధులు రాజ్ క‌పూర్ ఫేమ‌స్ సాంగ్‌కు ఉత్సాహంగా డ్యాన్స్ చేశారు. వారితో పాటు కొంద‌రు మ‌హిళ‌లు కూడా కాలు క‌ద‌ప‌గా మ‌రికొంద‌రు ట్రాక్‌ను ఆల‌పించారు. 1954 టెన్త్ క్లాస్ బ్యాచ్ విద్యార్ధులు రీయూనియ‌న్‌లో ఉత్సాహంగా పాలుపంచుకోవ‌డం విశేషం.

1954లో స్కూల్ పాస‌వుట్స్ క‌ల‌యిక‌…జ్ఞాప‌కాలు నిజంగా ఓ వ‌రం అని ఈ పోస్ట్‌కు క్యాప్ష‌న్ ఇచ్చారు. ఈ వీడియోను ఆన్‌లైన్‌లో షేర్ చేసిన‌ప్ప‌టి నుంచి ఇప్ప‌టివ‌ర‌కూ మూడు ల‌క్ష‌ల‌కు పైగా వ్యూస్ ల‌భించాయి. ఈ క్లిప్ నిజంగా అద్భుత‌మ‌ని ఓ యూజ‌ర్ కామెంట్ చేయ‌గా, జీవితాన్ని ఆసాంతం ఆస్వాదించ‌డం ఓ క‌ళ అని మ‌రో యూజ‌ర్ రాసుకొచ్చారు. జీనా ఇసీ కా నామ్ హై సాంగ్ 1959లో విడుద‌లైన అనారి మూవీలోనిది కాగా ఈ పాట‌ను ముఖేష్ ఆల‌పించారు.

Read More :

Tamanna-Vijay Varma | విజయ్ వర్మతో డేటింగ్.. ఎట్టకేలకు పెదవి విప్పిన మిల్కీ బ్యూటీ