Biparjoy cyclone: దూసుకొస్తున్న బిప‌ర్‌జాయ్‌.. ద్వార‌క‌లో బ‌ల‌మైన గాలులు.. ఎగిసిప‌డుతున్న అల‌లు

Biparjoy cyclone: బిప‌ర్‌జాయ్ భీక‌ర రూపం దాల్చుతోంది. ద్వార‌క తీరం దిశ‌గా ఆ తుఫాన్ ముందుకు క‌దులుతోంది. దీంతో క‌చ్ ప‌రిస‌ర జిల్లాల్లో భీక‌ర స్థాయిలో వ‌ర్షాలు ప‌డే ఛాన్సు ఉంది. తీరం వెంట ఉన్న వారిని డిజాస్ట‌ర్ సిబ్బంది సుర‌క్షిత ప్రాంతాల‌కు త‌ర‌లిస్తోంది. పెను విధ్వంసాన్ని క‌లిగించే సామ‌ర్థ్యం ఉన్న తుఫాన్‌గా బిప‌ర్‌జాయ్‌ను అభివ‌ర్ణించారు.

అహ్మాదాబాద్‌: బిప‌ర్‌జాయ్ తుఫాన్(Biparjoy cyclone) గుజ‌రాత్ తీరం దిశ‌గా వెళ్తోంది. దీంతో ద్వార‌క‌లో బ‌ల‌మైన గాలులు వీస్తున్నాయి. స‌ముద్రం అల్ల‌క‌ల్లోలంగా మార‌డంతో పెద్ద ఎత్తున్న‌ అల‌లు ఎగిసిప‌డుతున్నాయి. పోరుబంద‌ర్‌తో పాటు ద్వార‌క జిల్లాల్లో గాలి వేగం పుంజుకుంటున్న‌ట్లు ఐఎండీ డైర‌క్ట‌ర్ జ‌న‌ర‌ల్ డాక్ట‌ర్ మృత్యుంజ‌య మ‌హాపాత్ర తెలిపారు. ఆ జిల్లాల్లో గాలి వేగం గంట‌కు 75 కిలోమీట‌ర్లు ఉన్న‌ట్లు ఆయ‌న చెప్పారు. గుజ‌రాత్‌లోని క‌చ్ ప్రాంతంతో పాటు పాకిస్థాన్‌లోని క‌రాచీ తీర ప్రాంతం మ‌ధ్య బిప‌ర్‌జాయ్ తుఫాన్ గురువారం తీరం దాటే అవ‌కాశాలు ఉన్న‌ట్లు తెలుస్తోంది. తీరం వెంట ఉన్న సుమారు 8 వేల మందిని ఇప్ప‌టికే సుర‌క్షిత ప్రాంతాల‌కు త‌ర‌లించారు.

#WATCH | Strong winds, turbulent sea at Dwarka owing to cyclonic storm 'Biparjoy'#Gujarat pic.twitter.com/cjSfsAXWFU

— ANI (@ANI) June 13, 2023

క‌చ్‌, జామ్‌న‌గ‌ర్‌, మోర్బీ, గిర్ సోమ‌నాథ్‌, పోరుబంద‌ర్‌, ద్వారక జిల్లాల్లో తుఫాన్ ప్ర‌భావం ఎక్కువ‌గా ఉండ‌నున్న‌ది. ఆ జిల్లాల్లో భారీ వ‌ర్ష సూచ‌న ఉంది. గాలి వేగం కూడా శ‌క్తివంతంగా మారే ఛాన్సు ఉన్న‌ట్లు తెలిపారు. జూన్ 15వ తేదీన‌ దాదాపు 150 కిలోమీట‌ర్ల వేగంతో ఈదురుగాలులు వీచే అవ‌కాశాలు ఉన్న‌ట్లు ఐఎండీ తెలిపింది. ఆ ఈదురుగాలుల వ‌ల్ల న‌ష్టం భారీ స్థాయిలో ఉండే ఛాన్సు ఉంద‌ని ఐఎండీ డైరెక్ట‌ర్ తెలిపారు.

Cyclone 'Biparjoy' | The wind speed is picking up in Porbandar, Devbhoomi Dwarka districts upto Kachchh, to go up to 65-75kmph tomorrow: Dr. Mrutyunjay Mohapatra, Director General, IMD pic.twitter.com/lYsatV4M4B

— ANI (@ANI) June 13, 2023

బిప‌ర్‌జాయ్ అన్న ప‌దాన్ని బంగ్లాదేశ్ పెట్టింది. బిప‌ర్‌జాయ్ అంటే బెంగాలీ భాష‌లో విప‌త్తు అని అర్థం. ప్ర‌పంచ వాతావ‌ర‌ణ సంస్థ (డ‌బ్ల్యూఎంవో) నుంచి ఆ పేరును తీసుకున్నారు. ప్ర‌స్తుతం కేంద్రహోంశాఖ మంత్రి అమిత్ షా, కేంద్ర ఆరోగ్య‌శాఖ మంత్రి మాండ‌వీయ .. గుజ‌రాత్‌లో డిజాస్ట‌ర్ మేనేజ్మెంట్ ప‌రిస్థితిని స‌మీక్షించారు. తుఫాన్ వ‌ల్ల న‌ష్టాన్ని త‌గ్గించే ప్ర‌య‌త్నంపై మంత్రులు దృష్టిపెట్టారు.

24 hour observed track of Extremely Severe cyclonic Storm "Biparjoy". #Cyclone #cyclonebiparjoy #Weather #India #IMD @DDNewslive @ndmaindia @moesgoi @airnewsalerts pic.twitter.com/DfNt7KRSJI

— India Meteorological Department (@Indiametdept) June 13, 2023