viral video | ఏడు భాష‌ల్లో కేస‌రియా సాంగ్‌ను ఆల‌పించిన స్నేహ్‌దీప సింగ్ క‌ల్సి

ఏడు భాష‌ల్లో కేస‌రియ సాంగ్‌ను పాడిన స్నేహ్‌దీప్ సింగ్ వీడియోను (viral video)  కార్పొరేట్ దిగ్గ‌జం ఆనంద్ మ‌హీంద్రా సోష‌ల్ మీడియాలో షేర్ చేశారు.

న్యూఢిల్లీ : ర‌ణ్‌బీర్ క‌పూర్‌, అలియా భ‌ట్ జంట‌గా తెరకెక్కిన బ్ర‌హ్మాస్త్ర మూవీలోని కేస‌రియ సాంగ్‌ను ఐదు భాష‌ల్లో ఆల‌పించిన స్నేహ్‌దీప్ సింగ్ క‌ల్సి తాజాగా ఏడు భాష‌ల్లో ఈ సాంగ్‌ను హృద్యంగా ఆల‌పించాడు. ఏడు భాష‌ల్లో కేస‌రియ సాంగ్‌ను పాడిన స్నేహ్‌దీప్ సింగ్ వీడియోను (viral video)  కార్పొరేట్ దిగ్గ‌జం ఆనంద్ మ‌హీంద్రా సోష‌ల్ మీడియాలో షేర్ చేశారు.

Here’s evidence that the first clip of ⁦@SnehdeepSK⁩ was no fluke & that he really has language skills.. He passed this test brilliantly. Once again, in a polarised world, it’s so comforting to hear voices that are unifying… pic.twitter.com/hhwYxc7sLN

— anand mahindra (@anandmahindra) April 8, 2023

రేడియో షోలో స్నేహ్‌దీప్ పెర్ఫామెన్స్‌తో కూడిన వీడియో నెటిజ‌న్ల‌ను అమితంగా ఆక‌ట్ఠుకుంటోంది. ఈ క్లిప్‌లో ఆర్జే శౌర్య స్నేహ్‌దీప్ క‌ల్సిని ప్రేక్ష‌కుల‌కు ప‌రిచ‌యం చేస్తూ ఆపై కేసరియ‌ను 7 భాష‌ల్లో ఆల‌పించాల‌ని ఛాలెంజ్ చేయ‌డం క‌నిపిస్తుంది. ఇక ఈ క్లిప్‌లో క‌ల్సి మ‌ళ‌యాళం, పంజాబీ, తెలుగు, త‌మిళ్‌, క‌న్న‌డ, గుజ‌రాతీ భాష‌ల్లో కేస‌రియ ఆల‌పిస్తూ చివ‌రిగా హిందీలో శ్రావ్యంగా పాట‌ను ఆల‌పించ‌డంతో వీడియో ముగుస్తుంది.

ఈ వీడియోను ఇప్ప‌టివ‌ర‌కూ 4.9 ల‌క్ష‌ల మంది వీక్షించ‌గా పెద్ద‌సంఖ్య‌లో నెటిజ‌న్ల‌ను ఆక‌ట్టుకుంటోంది. ప‌లు భాష‌ల‌పై స్నేహ్‌దీప్ క‌ల్సికి ఉన్న ప‌ట్టును ఈ క్లిప్ నిరూపిస్తోంది. త‌న వీడియోను షేర్ చేసిన పారిశ్రామిక దిగ్గ‌జం ఆనంద్ మ‌హీంద్రాకు స్నేహ్‌దీప్ ధ‌న్య‌వాదాలు తెలిపారు. ఈ వీడియో మీకు చేరువ‌వ‌డం, నాపై ఇంత ప్రేమ‌ను కురిపిస్తూ బాస‌ట‌గా నిల‌వ‌డం ఊహించ‌లేక‌పోతున్నాన‌ని మ‌హీంద్ర పోస్ట్‌ను షేర్ చేస్తూ స్నేహ్‌దీప్ క‌ల్సి రాసుకొచ్చారు.

Read More

AI pics | ప్ర‌పంచ కుబేరులు బికారులైతే ఇలాగే ఉంటారు..!