జనవరి 22న అయోధ్యకు రావొద్దు

దేశంలోని సీఎంలు, గవర్నర్లు, రాయబారులు వంటి ప్రముఖులకు అయోధ్యలోని శ్రీరామ జన్మభూమి తీర్థ క్షేత్ర ట్రస్ట్‌ ఓ విజ్ఞప్తి చేసింది. రామాలయంలో శ్రీరాముని ప్రాణ ప్రతిష్ఠ వచ్చే జనవరి 22న జరుగుతుందని, రాజ్యాంగపరమైన ప్రొటోకాల్స్‌ ఉన్నవారు,

• వీఐపీలకు ట్రస్ట్‌ విజ్ఞప్తి

అయోధ్య: దేశంలోని సీఎంలు, గవర్నర్లు, రాయబారులు వంటి ప్రముఖులకు అయోధ్యలోని శ్రీరామ జన్మభూమి తీర్థ క్షేత్ర ట్రస్ట్‌ ఓ విజ్ఞప్తి చేసింది. రామాలయంలో శ్రీరాముని ప్రాణ ప్రతిష్ఠ వచ్చే జనవరి 22న జరుగుతుందని, రాజ్యాంగపరమైన ప్రొటోకాల్స్‌ ఉన్నవారు, వీఐపీలు ఈ కార్యక్రమానికి హాజరయ్యేందుకు ప్రయత్నించవద్దని కోరింది. అధికారులు, ట్రస్ట్‌ సిబ్బంది ఈ కార్యక్రమంలో తీరిక లేకుండా సేవలందిస్తూ ఉంటారని, అందువల్ల వీఐపీలకు సేవ చేసేందుకు సమయం ఉండదని వివరించింది.

అయోధ్య మసీదుకు పేరు ఖరారు!

ఉత్తరప్రదేశ్‌లోని అయోధ్యలో నిర్మితమవుతున్న మసీదుకు ప్రవక్త పేరిట మహమ్మద్‌ బిన్‌ అబ్దుల్లా మసీదు అని పేరు పెట్టాలని ఆలిండియా రబ్తా-ఈ-మసీద్‌ సంస్థ నిర్ణయించింది. దేశంలోని మసీదులన్నీ ఈ సంస్థలో భాగస్వాములు.