Congress New Rules : కాంగ్రెస్‌ పార్టీ సభ్యత్వం కావాలా? అయితే, ఈ నిబంధనలు పాటించాల్సిందే!

Congress New Rules : దేశంలోని అతిపురాతన పార్టీ అయిన కాంగ్రెస్‌లో సభ్యత్వం తీసుకోవడం ఇకపై ఆషామాషీ వ్యవహారం కాదు. సులభం ఏమాత్రం కాదని గుర్తుంచుకోండి. ఎందుకంటే ...

October 24, 2021 / 02:58 PM IST

Congress New Rules : కాంగ్రెస్‌ పార్టీ సభ్యత్వం కావాలా? అయితే, ఈ నిబంధనలు పాటించాల్సిందే!

న్యూఢిల్లీ : (Congress New Rules) దేశంలోని అతిపురాతన పార్టీ అయిన కాంగ్రెస్‌లో సభ్యత్వం తీసుకోవడం ఇకపై ఆషామాషీ వ్యవహారం కాదు. సులభం ఏమాత్రం కాదని గుర్తుంచుకోండి. ఎందుకంటే పార్టీ సభ్యత్వం తీసుకోవాలనుకునే వారి కోసం కొత్త నిబంధనలను పార్టీ విడుదల చేసింది. ఈ కొత్త నిబంధనల ప్రకారం, పార్టీ ప్రాథమిక సభ్యత్వం కోసం దరఖాస్తు చేసుకునే వారు మద్యం, మాదకద్రవ్యాలకు దూరంగా ఉంటామని ప్రకటించాలి. అంతే కాకుండా, పార్టీ విధానాలను బహిరంగంగా విమర్శించమని ప్రమాణం చేయాలంటా. కొత్త ఫారం ప్రకారం సభ్యత్వ నమోదుకు ముందు.. కొత్త సభ్యులు కొన్ని వ్యక్తిగత వాగ్దానాలు చేయాల్సి ఉంటుంది. సభ్యత్వ కార్యక్రమాన్ని నవంబర్ 1 నుంచి ప్రారంభించనున్నారు. ఇది వచ్చే ఏడాది మార్చి 31 వరకు కొనసాగుతుంది. వచ్చే ఏడాది ఆగస్టు 21 నుంచి సెప్టెంబరు 20 వరకు కొత్త కాంగ్రెస్ అధ్యక్షుడి ఎన్నిక జరగనున్నది. ఈ మేరకు ఇటీవలి కాంగ్రెస్ వర్కింగ్ కమిటీలో ఈ నిర్ణయాలను ఆమోదించారు.

కీలక ప్రమాణాలివే..!

కొత్త సభ్యులు సీలింగ్ చట్టం కంటే ఎక్కువ ఆస్తిని కలిగి ఉండకూడదు.
పార్టీ విధానాలు, కార్యక్రమాలలో పాల్గొనాలి.
శారీరక శ్రమ లేదా పనులు చేయడానికి వెనుకాడకూడదు.
మద్యం, మాదకద్రవ్యాలకు దూరంగా ఉండాలి.
పార్టీ విధానాలను బహిరంగంగా విమర్శించకూడదు.
ఖాదీ దుస్తులు ధరించడం అలవాటు చేసుకోవాలి.
సామాజిక వివక్ష ఉండకూడదు.
సమాజంలో వివక్షను రూపుమాపేందుకు కృషి చేయాలి.

ఇవి రాజ్యాంగంలో భాగమే: మిస్త్రీ

కొత్త నిబంధనలు రాజ్యాంగంలో భాగమని సీనియర్ కాంగ్రెస్ నాయకుడు మధుసూదన్ మిస్త్రీ చెప్పారు. ఇది పాత దరఖాస్తు ఫారం, మా పార్టీ రాజ్యాంగంలో భాగమని తెలిపారు. కొత్త, పాత సభ్యులందరూ అన్ని నియమాలను పాటిస్తారని ఆశిస్తున్నామన్నారు.