Turkey’s big decision : 10 దేశాల రాయబారులను బహిష్కరించిన టర్కీ

Turkey's big decision : పది దేశాల రాయబారులపై టర్కీ చర్యలు చేపట్టింది. ఈ మేరకు రాయబారులపై టర్కీ అధ్యక్షుడు ఎర్డోగాన్ బహిష్కరన వేటు వేశారు. దేశీయ వ్యవహారాల్లో...

October 24, 2021 / 01:41 PM IST

Turkey’s big decision : 10 దేశాల రాయబారులను బహిష్కరించిన టర్కీ

(Turkey’s big decision) ఇస్తాంబుల్‌ : పది దేశాల రాయబారులపై టర్కీ చర్యలు చేపట్టింది. ఈ మేరకు రాయబారులపై టర్కీ అధ్యక్షుడు ఎర్డోగాన్ బహిష్కరన వేటు వేశారు. దేశీయ వ్యవహారాల్లో జోక్యం చేసుకుంటున్నారన్న ఆరోపణలపై అమెరికా, ఫ్రాన్స్, జర్మనీతోపాటు 10 దేశాల రాయబారులను బహిష్కరిస్తున్నట్లు టర్కీ వెల్లడించింది. ఈ మేరకు ఎర్డోగాన్ శనివారం తన విదేశాంగ మంత్రిత్వ శాఖను ఆదేశించారు.

సామాజిక కార్యకర్త ఉస్మాన్ కావాలా విడుదలకు తక్షణ చర్యలు తీసుకోవాలంటూ అమెరికా, ఫ్రాన్స్‌, జర్మనీ, కెనడా, డెన్మార్క్‌, స్వీడన్‌, నెదర్‌లాండ్స్‌, నార్వే, ఫిన్లాండ్‌, న్యూజీలాండ్‌ దేశాలు డిమాండ్‌ చేస్తున్నాయి. తమ దేశం అంతర్గత వ్యవహారాల్లో ఇతర దేశాలు దూరడాన్ని టర్కీ జీర్ణించుకోవడం లేదు. దాంతో ఆయా దేశాల రాయబారులకు దేశ బహిష్కరణ విధించారు. 48 నుంచి 72 గంటల్లోపు దేశం విడిచి వెళ్లిపోవాలని వారి ఆదేశాలు జారీ చేశారు. టర్కీ అధ్యక్షుడు ఎర్డోగాన్ వాయవ్య టర్కీలోని ఎస్కిహిర్ నగరంలో చేసిన ప్రసంగంలో ఈమేరకు సమాచారమిచ్చారు.
ఈ చర్యతో ఆయా దేశాలు టర్కీ ఆగ్రహాన్ని అర్థం చేసుకుంటాయని ఎర్డోగాన్ తీవ్ర స్వరంతో చెప్పారు. అయితే, టర్కీ తీసుకున్న ఈ చర్యపై ఇప్పటి వరకు ఏ దేశం నుంచి ఎలాంటి స్పందన ప్రకటన రాలేదు.

ఎవరీ ఉస్మాన్‌ కావాలా..?!

ఉస్మాన్‌ కావాలా నాలుగేండ్లుగా జైలులో ఉంటున్నాడు. 2013 లో దేశవ్యాప్త నిరసనలకు నిధులు సమకూర్చాడని ఇతడిపై ఆరోపణలు ఉన్నాయి. 2016 విఫలమైన తిరుగుబాటు వెనుక కవాలా హస్తం ఉన్నట్లు టర్కీ ప్రభుత్వం ఆరోపించింది. 2017లో కావాలాను అరెస్టు చేసి జైలుకు పంపించారు. ఇలాఉండగా, రాయబారులపై బహిష్కరణ వేటుతో టర్కీకి సమస్యలు మరింత పెరిగే అవకాశాలు ఉన్నాయి. టర్కీ తీసుకున్న ఈ చర్య అంతర్జాతీయ నిబంధనలకు విరుద్ధంగా ఉన్నాయి. ఇప్పటికే టర్కీపై అమెరికా కఠిన ఆంక్షలు విధించింది. ఫ్రాన్స్‌తోపాటు ఇతర పాశ్చాత్య దేశాలు టర్కీపై పరిమితులను విధించే అవకాశాలు మెండుగా ఉన్నాయి.