Visit:
Yamunotri | చార్‌ ధామ్‌ యాత్రకు భక్తులు పోటెత్తారు (Massive Rush). శనివారం ఉదయం హిల్‌ ప్రాంతమంతా జనాలతో కిక్కిరిసిపోయింది. కిలోమీటర్ల మేర క్యూలు దర్శనమిచ్చాయి. గంటల కొద్దీ జనాలు కొండ ప్రాంతంలో వేచి ఉండాల్సి వచ్చింది.
చార్‌ధామ్‌ యాత్ర (Char Dham Yatra)లో భాగంగా పరమేశ్వరుడి పవిత్ర ఆలయాలైన యమునోత్రి (Yamunotri), గంగోత్రి, కేదార్‌నాథ్‌ ఆలయ తలుపులు శుక్రవారం తెరుచుకున్న విషయం తెలిసిందే. శీతాకాలం సందర్భంగా మూసివేసిన ఈ ఆలయాలను అక్షయ తృతీయ పర్వదినాన్ని పురష్కరించుకొని తెరిచారు. దీంతో భక్తులు ఈ జ్యోతిర్లింగాలను దర్శించుకునేందుకు ఉత్తరాఖండ్‌ రాష్ట్రానికి పోటెత్తుతున్నారు.
Hello CM @pushkardhami ji
These are the visuals from Yamunotri
Just sharing to make this come under your cognizance so that the management of crowd can be done and we can prevent any mishap in future
The overcrowding can lead to disaster in this situation #uttrakhand #Yamunotri pic.twitter.com/bMYfPCD7b1— Kartik Shrivastava (@iamkartikvikram) May 11, 2024
పెద్ద సంఖ్యలో ప్రజలు గంగోత్రి, యమునోత్రి, కేదార్‌నాథ్‌ ఆలయాలను సందర్శించేందుకు తరలివచ్చారు. దీంతో దర్శనానికి గంటల సమయం పడుతోంది. గంటల తరబడి క్యూలో నిల్చోవాల్సి వచ్చింది. దీంతో యాత్రికులు తీవ్ర ఇబ్బందులు పడుతున్నారు. ఇరుకైన దారిలోనే సుమారు రెండు గంటలకు పైగా నిల్చున్నామని, భద్రత, రద్దీ నిర్వహణపై అధికారులు సరైన ఆలోచన చేయడం లేదని ఆవేదన వ్యక్తం చేశారు. ఈ యాత్రలో చాలా సమస్యలు ఎదుర్కుంటున్నట్లు వారు వాపోయారు. సాయం చేసేందుకు అధికారులు కూడా లేరని ఆవేదన వ్యక్తం చేశారు. ఓ ఆలయ ప్రాంగణంలోకి ప్రవేశించామని, అయితే తిరిగి సజీవంగా వెళ్తామో లేదో అనిపిస్తోందని భక్తులు వాపోతున్నారు.
చార్‌ధామ్‌ యాత్ర (Char Dham Yatra) లో భాగంగా ఏటా దేశ నలుమూలల నుంచి లక్షల సంఖ్యలో భక్తులు ఇక్కడికి తరలివస్తుంటారు. సమీపంలోని అన్ని జ్యోతిర్లింగాలను సందర్శించి ప్రత్యేక పూజలు చేస్తుంటారు. అయితే, శీతాకాలం సందర్భంగా ఈ ఆలయాలను అధికారులు మూసివేస్తారు. ఆ సమయంలో ఈ ఆలయాలు మంచుతో కప్పుకుపోయి ఉంటాయి. తిరిగి వేసవిలోనే మళ్లీ ఆలయ తలుపులు తెరుస్తుంటారు.
— Doordarshan National दूरदर्शन नेशनल (@DDNational) May 11, 2024
Also Read..
Maneka Gandhi | వరుణ్‌ గాంధీ సమర్థుడు.. అతడిపై పూర్తి విశ్వాసం ఉంది : మేనకా గాంధీ
Afghanistan | తాలిబన్‌ దేశాన్ని ముంచెత్తిన వరదలు.. ఒక్కరోజులోనే 200 మంది మృతి..!
Barron Trump | 18 ఏళ్లకే పొలిటికల్‌ ఎంట్రీ ఇవ్వనున్న ట్రంప్‌ చిన్నకుమారుడు
