Quit India | క్విట్‌ ఇండియా.. భారత్‌కు గుడ్‌బై చెప్తున్న కోటీశ్వరులు

పెట్టుబడులు పెట్టి, కంపెనీలు స్థాపించి వందలాది మందికి ఉపాధి కల్పించాల్సిన కోటీశ్వరులైన వ్యాపారులు భారత్‌ను వీడుతున్నారు. ఈ ఏడాది దాదాపు 4,300 మంది మిలియనీర్లు భారత్‌ను విడిచిపెట్టి విదేశాలకు వెళ్లనున్నారు.

• మిలియనీర్ల
• ఈ ఏడాది ఏకంగా 4,300 మంది రెడీ
• కేంద్రం ఏకపక్ష నిబంధనలే ప్రధాన కారణం

Quit India | పెట్టుబడులు పెట్టి, కంపెనీలు స్థాపించి వందలాది మందికి ఉపాధి కల్పించాల్సిన కోటీశ్వరులైన వ్యాపారులు భారత్‌ను వీడుతున్నారు. ఈ ఏడాది దాదాపు 4,300 మంది మిలియనీర్లు భారత్‌ను విడిచిపెట్టి విదేశాలకు వెళ్లనున్నారు. ఈ మేరకు హెన్లీ అండ్‌ పార్టనర్స్‌ రిపోర్టు-2024 పేర్కొన్నది. మిలియనీర్ల వలసలు ఎక్కువగా ఉన్న దేశాల జాబితాలో చైనా, యూకే వరుసగా తొలి రెండు స్థానాల్లో ఉండగా భారత్‌ మూడో స్థానంలో నిలవడం గమనార్హం.

వలసలకు కారణాలేంటి?

దేశంలో నెలకొన్న పరిస్థితులు, కేంద్రంలోని ఎన్డీయే ప్రభుత్వం అమలుచేస్తున్న ఏకపక్ష విధానాలు, తీసుకొస్తున్న కొత్త నిబంధనల పట్ల విసుగెత్తే మిలియనీర్లు మాతృదేశాన్ని విడిచిపెట్టి బయటి దేశాలకు వలస వెళ్తున్నట్టు ఆర్థిక నిపుణులు అంచనా వేస్తున్నారు. దీంతోపాటు దేశంలో భద్రత, ఆర్థిక పరిస్థితులు, పన్ను ప్రయోజనాలు, వ్యాపారావకాశాలు, పిల్లలకు విద్యావకాశాలు, వైద్యం, జీవన ప్రమాణాలను బేరీజు వేసుకొన్న తర్వాతనే ఇండియన్‌ మిలియనీర్లు ఇతర దేశాలకు వలస వెళ్తున్నట్టు హెన్లీ నివేదిక వెల్లడించింది.

-(స్పెషల్‌ టాస్క్‌ బ్యూరో), హైదరాబాద్‌, జూన్‌ 19 (నమస్తే తెలంగాణ)

వలసలతో భారత్‌కు ఎంత నష్టమంటే?

• గడిచిన మూడేండ్లలో కోటీశ్వరుల మొత్తం వలసల సంఖ్య 18,300
• భారత్‌లో ఒక్కో మిలియనీర్‌ పెట్టగలిగే కనీస పెట్టుబడి8.2 కోట్లు
• ఈ లెక్కన మూడేండ్లలో దేశ ఆర్థిక వ్యవస్థ నష్టపోయిన మొత్తం1,50,060 కోట్లు

వలసలు ఇలా..

• 2024లో ప్రపంచవ్యాప్తంగా వలసలకు సిద్ధమైన కోటీశ్వరుల సంఖ్య 1,28,000
• కోటీశ్వరులు తమ గమ్యస్థానంగా ఎంచుకొన్న దేశాలు
• యూఏఈ (తొలి ప్రాధాన్యం), అమెరికా (రెండో ప్రాధాన్యం)